Заокружете ја читачката 2018 година со три интелигентни наслови


Заокружете ја читачката 2018 година со три интелигентни наслови

„Не верувај им на оние кои не понеле со себе книга за читање“. Има ли поголема вистина од оваа?

Zaokruzete-ja-citackata-2018-godina-01.jpg

Се надеваме дека прочитавте многу книги во годината која завршува, а доколку сепак не успеавте во својата мисија, донесете една од неколкуте новогодишни одлуки: Во новата година да читате многу повеќе.

Оваа 2018 година заокружете ја со 3 интелигентни наслови. И конечно – читајте првенствено за себе, а не да ги импресионирате луѓето околу вас:

Брик Лејн – Моника Али

Назнин се мажи за 20 години постариот Чану и го напушта Бангладеш, во обид да изгради нов дом во Лондон. Сметајќи се за послушна и добра муслиманка, нејзината првенствена цел е да се грижи за сопругот и ќерките и да не поставува премногу прашања.

Но, Назнин неочекувано ќе го запознае Карим, привлечен млад човек кои ќе ѝ наметне бројни дилеми, за општеството, животните цели, припадноста. Што е правилно, а што погрешно?

Zaokruzete-ja-citackata-2018-godina (3).jpg

Љубовта за време на детето од Малштет (18+) – Клеменс Ј. Зец

Со предупредувачка порака дека книгата содржи насилство, секс, експлицитни сцени, мастурбирање, S&M, истата не е препорачлива за малолетни читатели. Ниту пак за пуританците, малодушните и оние со полузатворени очи.

Од друга страна, пак, конзервативците може да ја читаат, но скришно. Книгата апсолутно ќе ве заведе со приказните и нарацијата. И не очекувајте да биде нешто што сте го прочитале досега.

Zaokruzete-ja-citackata-2018-godina (2).jpg

Не одам никаде – Румена Бужаровска

Најновата збирка раскази на Румена Бужаровска ја носи специфичната свежина на добро познатиот израз на веќе етаблираната македонска писателка.

Сепак, приказните овојпат се помоќни, помрачни, подлабоки. 7 вешто исткаени раскази ќе ве вовлечат во светот на тажните судбини и човечките трагедии.

Zaokruzete-ja-citackata-2018-godina (1).jpg

(О)Милена | Црнобело

Фото: (О)Милена

Би можело да ве интересира:

Зошто да ги препрочитувате омилените книги повеќепати? Ако сте страствен љубител на книги, сигурно во текот на годината читате можеби и...
5 книги кои ќе ви прават друштво додека се сончате на плажа Летото е одлично време во рака да земете некоја книга со лесна содржина, наместо...
5 книги кои мора да ги прочитате според Меган Маркл 2018 година беше и сè уште е во знакот на војвотката од Сасекс, односно Меган Ма...