Арс Ноторија - древна волшебна книга за подобрување на меморијата

Веќе со векови се пишуваат книги во кои се тврди дека читателот ќе добие посебни моќи по читањето на истите. Во некои случаи овие книги се наменети за повикување на ангели или демони. Во други случаи ветуваат подобри вештини или среќа за читателот. 

Многу лесно можеме да повлечеме паралела со модерните книги за самопомош, кои, исто така ветуваат „магиско“ исцелување и промена на свест. Во древните текстови и книги често се спомнува зборот магија и демонологија, со што само се зголемува контроверзноста на овие книги низ историјата.

Многу од нив се напишани и преведени, а една од нив е и Арс Ноторија – древната книга која верува подобрување на меморија и мудрост.

Арс Ноторија е дел од поголема колекција позната како „Lesser Keys of Solomon“. За разлика од другите гримоари, кои се занимаваат со магични напивки, магии или демони, Арс Ноторија на своите читатели им ветува поголема елоквентност, совршена меморија и мудрост.

Дали луѓето од минатото навистина можеле да ги подобрат своите академски вештини и меморијата, следејќи ги молитвите и практиките на Арс Ноторија?

Најстарите ракописи на Арс Ноторија датираат од 13 век. Меѓутоа, текстовите содржани во молитвите и магичните зборови датираат уште пред 1200-тите. Напишани се на неколку јазици, вклучувајќи го хебрејскиот, грчкиот и латинскиот.

Се тврди дека и кралот Соломон ги стекнал своите мудрости следејќи ги текстовите од Арс Ноторија. Многумина што сакале да имаат подобра меморија, поголема елоквентност, мудрост или зголемени сетила ја читале оваа книга со надеж дека ќе го подобрат својот живот.

Сепак, постојат и случаи кои завршиле со несакани резултати како случајот на Џон од Морињи.

Џон бил монах од 14 век кој побожно ги следеше учењата на Арс Ноторија, но наместо да се стекне со академско знаење тој доживеа прогонувачки, демонски визии, што е последица на фанатизмот и опсесијата на монахот.

Интересниот аспект на книгата кој привлече големо внимание е илустрација на „магнетниот експеримент".

Имено, со оваа илустрација му се покажува на читателот како да комуницира на долги растојанија со помош на две игли од компас.

Дали Арс Ноторија им даваше на своите читатели академски моќи? Не може да се знае.

Можно е дека им помогнала на луѓето кои биле посветени и природно талентирани, а можеби книгата навистина има магични својства.

Ашера | Црнобело