Детски книги кои се борат против предрасудите – задолжителни лектири за вас и вашите сакани малечки

Дали сте љубител на детска литература? Колку читаат вашите сакани од најмладите генерации? Навиките за читање книги се стекнуваат од најмали нозе, па затоа најдобро е да почнете навреме.

За почеток може да започнете со помали, но интересни книги со весела, но и многу поучна содржина. Целта е – да се почитуваат и прифаќаат различностите кај луѓето, без никакви предрасуди.

Еве што треба да прочитате:

Мортина - Барбара Кантини

Мортина не е обично, нормално девојче. Таа е зомби-девојче кое живее на изолиран имот заедно со нејзината тетка Покојна и албино кученцето. Нејзината најголема желба е да си игра заедно со другите дечиња.

Но, Мортина не смее да го открие својот вистински идентитет, нејзината тетка ја предупредува дека доколку луѓето дознаат што всушност се тие – ќе ги протераат од селото.

Веселата зграда - Ана Голејшка Џикова & Драш

Сликовницата исполнета со неверојатните илустрации на Драш и топлите стихови на Голејшка ќе им стане омилена на вашите деца и внуци. Запознајте ја веселата зграда и нејзините соседи. Симпатично, весело, шарено! Едноставно мора да ја имате дома или да ја подарите некому.

Сонливи приказни од тајната шума - Алма Растодер

Содржината е поделена на раскази и песнички во три дела: на македонски, босански јазик и албански јазик. Сестричка и братче одеднаш се наоѓаат во волшебната шума каде што преку фантастични случки, ги решаваат своите детски проблеми и прашања. Децата не треба да имаат предрасуди за другиот, кој е различен од нив.

(О)Милена | Црнобело