Нови книги од македонски автори кои ќе ги активираат вашите мозочни клетки

Предноста на книгите напишани на нашиот мајчин, македонски јазик е тоа што можеме да бидеме сигурни во зборовите кои ги напишал самиот автор, непреиспитувајќи ги квалитетот и успешноста на преводот, како што е примерот со книгите од другите странски јазици или лектурата на истите.

Доколку сте расположени да прочитате нешто интересно, квалитетно, длабоко и мудро, книги што ќе го анимираат вашиот мозок повеќе отколку обичните „лимонада-книги“ со сладникави краеви и површни приказни, ние ви ги предлагаме следните 3 нови изданија од современи, македонски автори:

Скиселени тикви - Саша Станишиќ

„Збирката куси-куси раскази „Скиселени тикви“ на Саша Станишиќ претставува исклучително компактно, зрело и умешно книжевно достигнување во македонската литература.

Во мини-расказите на Станишиќ животот живее книжевно! Без претерувања, без големи зборови, без драматични теми и личности, а животна, смешна и потсмешлива, задоволство за читање“.

Молчи со отворена уста - Снежана Младеновска Анѓелков

По осумгодишна пауза од дебитантската книга „Единаесет жени“, Снежана Младеновска Анѓелков која се закити со наградата „Роман на годината“ на Утрински весник се враќа на книжевната сцена со нов роман заснован на вистинска приказна.

„Во него се внесени записи од реални документи и досиеја, а приказната е наративно обликувана во структура која сите овие записи од реалноста ги става во контекст на семејниот живот, даден преку перспективата на повеќе наративни гласови, а во чии рамки сите членови страдаат и созреваат“.

Достоевски и Мекдоналдс – Венко Андоновски

Новата книга есеи од Венко Андоновски е збирка напишана во препознатливиот стил на авторот, низ кој провејува неговиот прониклив и (само) ироничен став кон работите.

Низ петте поглавја, насловени „Што е тоа бестселер“, „Тестирање на методот“, „Македонскиот роман“, „Македонската поезија“ и „Рускиот роман денес“, авторот се обидува да одгатне што се случува со книжевноста денес, кога за неа сè повеќе се зборува преку поимот „бестселер“.

(О)Милена | Црнобело