Сè е за*бано: книга за надежта и уште 2 други кои ќе ви ја вратат вербата во животот

Чувствувате ненадеен пад на енергијата после сивилото на бесконечно долгиот јануари? Можеби е време да прочитате нешто што ќе ве натера да размислувате и полека ќе ви ја врати волјата за живот.

Насмевката е евтин начин да си го промените надворешниот изглед… но и душата. Еве што препорачуваме да прочитате:

Сè е за*бано: книга за надежта - Марк Менсон

Марк Менсон е авторот на интернационалниот бестселер „Е, баш ме заболе“, а пред нас го имаме неговиот нов контраинтуитивен водич за проблемите со надежта.

Живееме во интересно време. Материјално, сè е подобро од кога и да е, но некако сè изгледа како да е непоправливо и ужасно заебано. Што се случува? Ако некој може да ја именува нашата моментна малодушност и да ни помогне да ја решиме, тоа е Марк Менсон.

Оваа слобода – Пјерлуиџи Капело

Капело раскажува за своето детство, за откривањето на книгите, пропаѓањето во вителот на инвалидитетот, очајот и борбата да ја надмине реалноста за повторно да најде надеж и волја за живот.

Читањето и моќта на имагинацијата му овозможуваат на нараторот врзан за креветот, во тело коешто не го препознава како свое да најде нови начини да се чувствува и да живее слободно, и покрај физичките ограничувања што му ги наметнува предавничкото тело во коешто е заробен.

Кафка на брегот – Харуки Мураками

Тинејџерот-бегалец Кафка Тамура го напушта својот дом со замисла дека треба да стане најцврстиот 15-годишник на светот. Во меѓувреме се случува убиство–таткото на Тамура е убиен и полицијата е во потрага по убиецот.

Убиениот господин Тамура е опишан како некој кој живеел повлечено, изработувал скулптури со уникатен стил кои добиле признанија низ целиот свет. Мураками уште еднаш мајсторски ни раскажува дека кога две или повеќе празнини ќе се спојат, може да произлезе нешто волшебно.

(О)Милена | Црнобело