Трилери што ќе ви ја наежат кожата од напнатост

Доколку сте љубители на трилери кои ќе ве остават без сон и ќе ви ги кренат влакненцата на телото поради адреналинот и напнатоста, имаме три одлични предлози за вас.

Задолжително одвојте време за читање, бидејќи тоа е најдобрата храна за мозокот и најдоброто кино на светот:

Заклучи ги сите врати – Рајли Сејгер

По низата несреќи што ги доживува, без пари и без живеалиште, младата Џулс Ларсен добива шанса да работи како станар чувар на еден од апартманите во „Бартоломеј“, една од најгламурозните згради во Њујорк. Таму не се дозволени гости. Не е дозволено зборување со богатите или славните станари.

И тоа се само некои од правилата што Џулс треба да ги следи. Се спријателува со Ингрид, пргава сосетка, која неизмерно ја потсетува на нејзината исчезната сестра. Кога Ингрид ѝ се доверува дека „Бартоломеј“ има и друга, морничава страна, Џулс го припишува тоа на нејзината драматичност … сè додека Ингрид не исчезне.

Новиот сопруг – Д. Џ. Палмер

Кога нејзиниот сопруг исчезнува, Нина дознава дека Глен водел двоен живот со друга жена. Но Глен веќе го нема – полицајците претпоставуваат дека се удавил за време на риболов на неговиот брод – па таа не може да се соочи со него за аферата и сите други лаги.

Година и пол по несреќата, Нина се смета себеси за вдовица, иако полицијата сè уште нема пронајдено тело. Таа случајно се сретнува со Сајмон Фич, наставник од училиштето на нејзината ќерка, Меги, и полека почнува повторно да наоѓа љубов, со надеж дека некогаш ќе успее пак да дојде до нормален живот.

Колера маало – Метин Качан

Исто и главниот лик во романот, Салих – Сила, авторот Метин Качан во 2013 година, на 51 година извршил самоубиство, скокајќи од еден мост на Босфор. Неговите дела се андерграунд реалност, преполни се со проститутки, наркомани, хомосексуалци, сексуални манијаци, религиозни фанатици, банди, малолетници – деликвенти, невини занаетчии, насилства, мачења, убиства.

Како што изјавувал и самиот Метин Качан, сатирично пишувајќи за ликовите што сам ги измислил, ја изгубил контролата над нивните животи и судбини… Голем дел од творештвото на Качан се поврзува со неговиот живот во сиромашниот кварт Долапдере (блиску до плоштадот Таксим).

(О)Милена | Црнобело