10 најголеми книжевници на сите времиња чии дела претставуваат вистинско духовно издигнување

6. Фјодор Михајлович Достоевски

Фјодор Михајлович Достоевски e руски писател со украинско потекло. Како романсиер и публицист, тој е рангиран меѓу најважните писатели во историјата.

Роден е на 11 ноември 1821 година во Москва, а починаl на 9 февруари 1881 година во Санкт Петербург.

Во својата младост, поради отворено спротивставување на рускиот царски режим, тој бил осуден на смрт, но пред егзекуцијата, тој бил помилуван и осуден на затворска казна во Сибир.

Неговото име стои на самиот врв меѓу најдобрите писатели како Шекспир и Сервантес. Достоевски се смета за основач на психолошкиот роман и претходник на егзистенцијализмот.

Негови најпознати дела се: „Злосторство и казна“, „Идиот“, „Браќата Карамазови“, „Бесови“ и др.

7. Данте Алигиери

Името на овој италијански поет, воедно и претставник на хуманизмот особено се истакнува по неговото маестрално ремек-дело „Божествена комедија“ , кое се смета за дијамант на светската литература.

Во доцниот среден век немало поголем и повлијателен поет од самиот Данте. Други познати негови дела се: „Нов живот“,„Гозба“, „За народниот говор“ и др.

8. Mарк Твен

Семјуел Ленгхорн Клемeнс, попознат под својот псевдоним Марк Твен е еден од најистакнатите англиски писатели.

Светска слава стекнал благодарение на приказните за младински авантури, особено романите: „Авантурите на Том Соер“,„Принцот и питачот“,„Животот на Мисисипи“, „Јенки на дворот на кралот Артур“.

Твен патувал многу, користејќи ги набљудувањата и сознанијата од неговите патувања како материјал за неговите предавања и за пишувањето на неговите книги.

9. Мигел де Сервантес

Мигел де Сервантес е шпански романописец и поет, воедно и автор на првиот реалистичен роман во шпанската книжевност, „Дон Кихот“.

Познатата „борба со ветерници“ на овој писател му донесе светска слава, така што тој ја продолжил приказната за славниот витез, а дополнително објавил 10 новели.

Покрај романот „Дон Кихот“, во два дела, Сервантес ги напишал и трагедијата „Нуманција“, пасторалната повест „Галатеја“, збирката „Поучни раскази“.

10. Френсис Скот Фицџералд

Франсис Скот Фицџералд e американски писател на романи и раскази, чие литературно дело може да се смета за парадигма на времето на џезот, термин кој тој самиот го создал.

Френсис е еден од великаните на американската литература од дваесеттиот век, член на брилијантната, таканаречена „изгубена генерација“ заедно со Фокнер, Ернест Хемингвеј, Томас Волф.

Живеел во период обоен со боемска и книжевна атмосфера, низ изразена космополитска визија.

Негови најпознати дела се: „Големиот Гетсби“, „Оваа страна на рајот“, „Приказни од времето на џезот“, „Последниот тајкун“ (кој не е довршен).

Мила М. | Црнобело