Три книги од македонски автори кои пријатно ќе ве изненадат

Најдобрата работа кај книгите напишани на македонски, мајчин јазик? Тоа што може да бидете сигурни дека немаат „утка“ во преводот. Доколку сте љубители на домашна литература, добрата вест е дека многу млади, македонски автори прават сè похрабри чекори на книжевната сцена.

Нема да се покаете доколку им дадете шанса на следните три бидејќи веруваме дека пријатно ќе ве изненадат:

Во војната и љубовта – Верица Митева

Сара е девојка која отсекогаш имала проблеми со самодовербата и нејзиното јас е потиснато од егото на нејзиното долгогодишно момче.

Но, една ноќ, кога поради силно невреме е принудена порано да се врати дома и го наоѓа со друга девојка во куќата во која заедно живеат, нејзиниот свет се руши и таа е принудена да се промени и да почне да се залага за себе.

Марко е исклучително амбициозен и успешен маж за кого и покрај целиот успех, најважни остануваат семејните вредности. Тој премногу го цени своето семејство, а уште повеќе сака да оформи свое.

Но, кога е оставен од долгогодишната девојка ноќта кога сака да ја запроси, решава дека сите вредности кои нему му се свети, очигледно не се тоа што жените го бараат.

Токму таа ноќ, кога животите им се променети засекогаш, Сара и Марко се среќаваат, но не на добар начин.

Јас во суперлатив – Јована Матеввска - Атанасова

Во длабочината на колективното минато се крие вулкан од кој извираат генерации непокорливи жени. Колку долго и да бил заспан, тој активно тлее, спремен да исфрли сè што затрупал. Жената е таков вулкан.

Оваа книга ќе ти помогне да се воодушевуваш на формите кои духовната магма ги остава зад себе. Да го откопаш фосилот на едно минато. Да еруптираш.

Да ја покажеш својата величествена сила. Да изненадиш. Да бидеш примерот од кој останатите ќе учат.

Се сакаме кога никој не гледа – Ангела Пенова

Единствената работа која Енџел сака да ја заборави во животот, постојано ѝ е во мислите. Таа го остава минатото таму каде што припаѓа, но потоа сфаќа дека минатото е нејзината иднина. 

Кристијан е дете од домот, но денес позната музичка ѕвезда. А, таа нема слушнато ниту една негова песна. Сè до оној момент кога случајно се препознава низ стиховите што ги слуша на радио.

Неговиот обид да ја ослободи низ песни, го прават сè повеќе ранлив. Дали Енџел ќе успее да ги пополни празнините што тој целиот свој живот ги носи?

(О)Милена | Црнобело