Би се вљубиле ли во сериски убиец? Три свежо отпечатени наслови кои уште мирисаат на мастило
Спонзорирано од:
Спонзорирано од ОгласиЗаРабота.мк
монтер 18-01-2022


Би се вљубиле ли во сериски убиец? Три свежо отпечатени наслови кои уште мирисаат на мастило

И оваа недела за вас имаме нова „тура“ наслови, свежо отпечатени, што практично сè уште мирисаат на мастило. Морничав трилер за сериски убиец и неговиот неодолив шарм… дали вие ќе може да му одолеете?

Tri-svezo-otpechateni-naslovi-01.jpg

Мрачна загатка за едно убиено девојче со куса порака од 2 збора закачени на вратот: „Патувам сама“. И неверојатна семејна историја за болка, простување, тајни и разделби.

Ви посакуваме пријатно читање:

Ме сака, не ме сака – Шерон Болтон

Хамиш Вулф е шармантен, харизматичен и многу убедлив. Надалеку познат по неговата убавина и сексапил, тој секојдневно добива љубовни писма од безброј обожавателки. Хамиш исто така е осуден убиец, кој отслужува доживотна казна во затвор.

Меги Роуз е успешна адвокатка и автор на книги базирани на вистински злосторства. Повлечена и загадочна, таа прифаќа само случаи кои може да ги добие.

Хамиш е убеден дека Меги може да му помогне и дека таа е способна да му ја промени судбината. Но Меги не сака да се меша. Смета дека е имуна на шармот на еден таков маж. Но можеби овојпат ни таа не би можела да остане рамнодушна…

Tri-svezo-otpechateni-naslovi (1).jpg

Патувам сама – Самуел Бјорк

Истражителката Миа Кригер ја напушта полицијата и градскиот метеж го заменува со осамен и тивок живот на еден норвешки остров. Наскоро таму доаѓа нејзиниот стар колега, Холгер Мунк, да ја наговори да се врати на работа.

Потребна му е нејзината помош за новиот вознемирувачки случај. Во шумата е најдено безживотното тело на шестгодишно девојче, обесено со училиштен ранец на грбот. Околу вратот има закачено порака: „Патувам сама“.

Сè укажува на тоа дека убиецот ќе продолжи да убива, а истрагата на Миа нè води до постар случај кога од породилното одделение исчезнува новороденчe.

Tri-svezo-otpechateni-naslovi (2).jpg

Островот на исчезнатите дрвја – Елиф Шафак

Во 1974 г., на островот Кипар, Гркот Костас и Турчинката Дефне кришум се среќаваат во меаната Среќна смоква среде која се извишува едно дрво – сведок на војната што се разгорува на островот и на неговата поделба, кога младите се принудени да се разделат.

По дваесетина години Костас се враќа во Никозија како успешен ботаничар и ја наоѓа својата изгубена љубов. Заминуваат за Лондон, со едно гранче од старата смоква…

По 16 години, соочена со загубата на мајка си, нивната ќерка очајно трага по одговори.

А единствената врска што ја има со земјата на своите предци е смоквата во дворот и една неочекувана гостинка за новогодишните празници.

Со своите вкусни кипарски рецепти, бучен карактер и топлина, таа го извлекува семејството од зачмаеноста и ги расветлува годините на тајни, разделби и тишини.

Tri-svezo-otpechateni-naslovi (3).jpg

(О)Милена | Црнобело

Би можело да ве интересира:

Топ 5 книги за опуштање на плажа Ако сте од оние кои на одмор сакаат да си дадат оддишка од сета сериозност и раб...
Најсилните хероини од книгите, инспирација за секоја жена Најинспиративните, храбри и силни женски ликови кои сме ги запознале биле во стр...
75 години од смртта на Кочо Рацин, поетска гордост преточена низ најубавите љубовни стихови Најголемиот македонски интелектуалец од неговото време. Неговата непресушна...

Најчитани неделава

sonovnik-sidebar.jpg