Победникот рече дека мора да оди во тоалет додека се читаа гласовите - Највпечатливи моменти на Евросонг 2025

Најзабавен дел од вечерта беше музичкиот двобој на Бејби Лазања и Карија од Финска - тие ги испеаја своите песни Rim Tim Tagi Dim и Cha Cha Cha, испреплетени една со друга, и „го украдоа“ шоуто.

Вчеравечер во Базел, Швајцарија се одржа финалето на 69-тото издание на Евровизија.

Победник е Џеј Џеј со песната Wasted Love, што значи дека в година, домаќин на 70-тото, јубилејно издание на ова музичко натпреварување, ќе биде Австрија.

За разлика од претходните Евровизии, оваа не остави толку силен впечаток кај публиката.

Иако продукциски беше одлична, со интересни настапи, песните, во најголемиот дел беа „веќе слушнати“, а скоро ниедна не се одвои уште на прво слушање.

Фановите беа разочарани и од водителките, кои го водеа шоуто коректно, но не воодушевија, па критики на нивна сметка имаше многу.

Сепак, Евровизија 2025 изобилуваше со впечатливи моменти, а ова се дел од нив:  

Шоуто почна со настапот на минатогодишниот победник Немо, кој се декларира како небинарна личност.

Тој прво ја испеа песната Code со која победи лани, а на сцената излезе облечен во долг фустан.

Продолжува на следната страница...