Александар Тарабунов има нова песна: „’Заедно’ е за љубовта што не се предава“

Понекогаш, животот нè одведува по различни патишта. Луѓето се губат во времето, во изборите, во тишината меѓу зборовите. Но вистинската љубов… таа секогаш го наоѓа патот назад.

Со новата песна „Заедно“, Александар Тарабунов Тара ја раскажува токму таа приказна за љубовта што преживува сè, љубовта што не заборава и љубовта што нè спојува, без разлика на времето или растојанието.

Музички инспирирана од ретро стилот на 50-тите, со модерен дух и вокал, „Заедно“ не е само песна, таа е носталгија, вистина и надеж во едно.

Во видеото, Тара се појавува во стил на Елвис, со жив бенд и сцена што нè носи во едно друго време кога љубовта се пееше со цело срце, а музиката се чувствуваше со цело тело.

„Оваа песна не бара да ја слушнеш, таа бара да ја почувствуваш. За сите што некогаш биле „разделени“, но знаат дека вистинската љубов секогаш ќе победи. За оние што веруваат во ‘Заедно’,“ - вели Тара.

Музиката, текстот аранжманот, продукцијата и режијата се на Александар Тарабунов, а спотот го изработи Владислав Гавриловски.

Погледнете го видеото: