Тој сакал да ја претвори во домаќинка, таа за инает прифаќала улоги – Зошто се развеле Брус Вилис и Деми Мур?

Во 1990-тата година кога Мур ја прифатила улогата во филмот Ghost која беше една од нејзините најпознати улоги, Брус наводно ѝ рекол: „Не знам дали сакам да бидам во брак“.

„Воопшто не ми се допаѓаше неговиот став дека тој е крал и мора да биде по негово. Плус тоа што ми рече дека не знае дали сака да биде во брак, воопшто не ми се допадна“ – пишува Деми.

Сепак, парот успеал да опстои уште неколку години и добиле уште две ќерки. Но, последната бременост со ќерката Талула била со голем број компликации. Бебето се родило со тежина под 2kg, а Деми била зaдржана во болница.

Непосредно по третото породување, на Деми ѝ била понудена улогата во филмот „Стриптиз“ за кој доби хонорар од 12 милиони актери со што таа стана најскапо платена актерка во Холивуд.

Во овој период стресот заради здравствената состојба на Талула, обидите да го спаси бракот со Брус и огромното медиумско внимание што го добивале, се одразиле на нејзиното здравје. Актерката имала пореметување со исхраната.

Во 1998-ма година Деми и Брус одлучиле да се разделат, а актерката во една прилика откри дека нивниот брак опстанал толку долго само затоа што постојано биле разделени.

„Мислам дека Брус се плашеше на почетокот дека ќе го направам нашиот развод тежок и дека мојот товар од сè што ми пречеше во бракот ќе го изразам така што нема да му дозволувам да ги гледа децата – дека ќе ги искористам сите оружја со кои се користат сите парови што се разведуваат.

Но, јас не го направив тоа, а не го направи ниту тој“ – рече Деми во една прилика.

Брус и Деми останаа пријатели по разводот. Тој честопати ја придружуваше додека таа беше заедно со нејзиниот втор сопруг Ештон Кучер, а таа и денес е редовен гостин во неговиот дом во кој тој живее заедно со сопругата Ема Хеминг.

Прочитајте и Му ги простуваше неверствата, прифаќаше секс во тројка – Како Деми Мур се обидуваше да го спаси бракот со Ештон Кучер?

Б. С. Б. | Црнобело