Татко ѝ ја малтретирал, по разводот со првиот сопруг се обидела да се самоубие – Факти за Хали Бери

Во 1993-та година Хали се омажи за бејзбол играчот Дејвид Џастис, со кого беше во брак околу 3 години. Иако тие двајца се разделија по мирен пат, подоцна Хали побара судот да му забрани на Дејвид да ѝ се приближува затоа што стравувала за сопствената безбедност.

Наводно, ваквото барање Хали го поднела откако со поранешниот сопруг имала расправија пред нејзиниот дом. Тој, пак, велеше дека таа се однесува како дете.

Во една пригода таа призна дека по разводот била во депресија и се обидела да се самоубие така што седнала во автомобил со вклучен мотор во затворена просторија.

Во последен миг се премислила, затоа што се сетила колку многу жртвувала нејзината мајка за да ја израсне и не можела да ѝ нанесе болка.

Во 2000-тата година Хали беше обвинета дека предизвикала сообраќајна несреќа и побегнала додека била под влијание на опојни супстанци и алкохол. Исто така, за време на судењето беа изнесени докази дека не е првпат актерката да предизвика сообраќајна несреќа и да побегне, а наводно истото го направила 3 години претходно.

Актерката мораше да плати казна 13.500 долари и доби условна казна, а мораше да работи и општествено корисна работа.

Во 2001-ва година Хали се омажи со Ерик Бенет, но само една година подоцна тој се пријави на рехабилитација за зависност од секс. Тие се разведоа во 2003-та година, а Ерик подоцна изјави дека не бил зависник од секс, но се пријавил на барање на мајка ѝ на Хали за да го спаси нивниот брак.

Во 2005-та година Хали го сретна и се вљуби во канадскиот модел Габриел Обри со кого ја доби ќерката Нала. Но, по 5-годишна врска тие двајца се разделија, а потоа следуваше напорна битка за старателство, затоа што Габриел сакаше со ќерка им да се пресели во Франција.

Во јули 2013-та година Хали се омажи за Оливиер Мартинез и заедно го добија синот Масео. И овој брак не траеше долго, па во 2015-та година парот се раздели, но најголемо внимание привлече мигот кога двајцата бивши партнери на Бери, Габриел Обри и Мартинез, имаа физичка пресметка.

Кавгата била затоа што Обри сакал заедно со ќерката Нала да се пресели во Франција.

Денес Хали се труди колку е можно повеќе да ги заштити своите деца од очите на јавноста. Ретко зборува за нив, а уште поретко објавува нивни фотографии.

По големиот број промашени романтични врски, Хали вистинската љубов ја најде во 2020-тата година откако ја започна врската со музичарот Ван Хант со кого сѐ уште е заедно.

Б. С. Б. | Црнобело