„Креира ембриони за да ги убие“ – Бившите на Софија Вергара тврдат дека таа не сака деца (и тоа е причина за разводот)

Детали

петок, 21 јули 2023

„Никогаш немаше да прифатам да креирам нови животи (ембриони) со Софија ако знаев дека таа сака да се откаже и да ги уништи во случај на раскинување“ - рече бившиот дечко на Софија Вергара, Ник Лоеб. Наводно и споругот Џо Манганиело бара развод затоа што актерката не сака деца.

Актерот Џо Манганиело (46) и официјално поднесе документи за развод од актерката Софија Вeргара (51) по 7 години брак.

Во документите што се објавени во дел од светските медиуми, како причина за разводот се наведени „ненадминливи разлики“, но причините за разделбата според изворите блиски до парот се јасни:

„Џо сакал деца со актерката, која е мајка на 31-годишниот син Маноло Гонзалес Вергара, а таа не сакала“ – пишува TMZ.

За своја адвокатка, Џо ја избрал Лаура Весер која ги застапуваше Ким Кардашијан и Џони Деп за време на нивните разводи.

Тоа што немаат деца значи дека разводот ќе оди лесно, затоа што секој од нив ќе си замине со тоа што го донел во бракот, а нивната куќа во Беверли Хилс уште во јуни годинава била ставена на продажба.

Инаку, актерката претходно водеше битка за старателство над замрзнатите ембриони со поранешниот дечко Ник Лоеб, а во 2021-ва година успеа да извојува победа.

На Ник Лоеб му беше забрането да ги искористи ембрионите без согласност на Софија, а тој тврдеше дека судијата бил под влијание на славната катерка.

„Судијата беше под влијание на Холивуд. Тажно е тоа што Софија, иако е посветен католик, креираше бебиња намерно, за потоа да ги убие“ – рече Ник Лоеб во 2021-ва година.

Тој не се откажа од битката за замрзнатите ембриони, па во април годинава ја тужеше клиниката каде биле креирани.

Тој тврди дека лекарите никогаш не го предупредиле дека ембрионите може да бидат уништени ако тој и Софија се разделат.

„Никогаш немаше да прифатам да креирам нови животи (ембриони) со Софија ако знаев дека таа сака да се откаже и да ги уништи во случај на раскинување“ – вели тој.

Инаку, тужбата со клиниката сѐ уште е во тек и не се знае дали ембрионите ќе бидат уништени или не. Дури и да не бидат, Ник нема дозвола да ги користи.

Б. С. Б. | Црнобело