Бела Хадид покажа како изгледа тешката борба со лајмската болест, која се добива од убод од крлеж

Детали

понеделник, 07 август 2023

Лежи со постојана инфузија на раката, седи на столче, видно изморена, а медицинските лица околу неа постојано ја боцкаат... Бела Хадид покажа како изгледа страдањето од лајмска болест зад затворени врати, со која се бори повеќе од 15 години.

Убавата манекенка Бела Хадид (26) со години наназад се бори со лајмска болест, а во неделата (06.08) објави повеќе фотографии на кои покажа како изгледа во последните месеци додека се бори за сопственото здравје и објави подолг текст во кој зборуваше за сите предизвици со коишто се соочува.

Во јули годинава, манекенката соопшти дека ќе земе слободни денови затоа што ѝ се влошила состојбата со болеста, а во последните 4 месеци, како што соопшти секој ден прима нови третмани.

„Малата верзија од мене би била горда на мојата возрасна верзија, затоа што не се откажувам од себеси.

Благодарна сум до мајка ми што ги чува сите мои медицински податоци и постојано е до мене, ме штити и ме поддржува, но најмногу од сѐ, верува во мене додека минувам низ ова“, напиша таа.

Бела вели дека животот со болеста додека упорно се труди да работи и да ги направи горди луѓето околу себеси, но и самата да се гордее, земал данок.

„Јас сум во ред и не сакам да се грижите и ништо не би променила во мојот живот.

Ако мораше да поминам низ сѐ ова повторно за да стигнам до овде, до овој момент во којшто се наоѓам ништо нема да променам. Сето ова ме направи тоа што сум“ – пишува Бела.

Нагласува дека 15-те години на невидливо страдање се вредни затоа што имала можност да споделува љубов од целото срце и да биде своја.

„Се обидов да ги изберам најпозитивните фотографии што можам затоа што колку и да е болно искуството, резултатот беше најпозитивното искуство во мојот живот што ми донесе голем број нови пријатели, нови визии и нов мозок“ – вели таа.

За крај таа им порача на своите обожаватели дека ќе се врати тогаш кога ќе биде подготвена.

Инаку лајмската болест е инфективно заболување предизвикано од бактерии кои припаѓаат на родот Borrelia и тоа: Borrelia burgdorferi, Borrelia garinii и Borrelia afzelii, а меѓу фотографиите што ги објави, Бела покажа дека во нејзината крв има присуство на овие бактерии.

Оваа болест кај луѓето се пренесува преку убод од инфициран крлеж. Пикот на ширење на болеста се поврзува со периодот кога крлежите се најактивни, т.е. од почетокот на пролетта до крајот на есента.

Инаку, Бела била дијагностицирана со лајмска болест на 16-годишна возраст. На 14, пак, почнале проблемите со менталното здравје и почнала да пие седативи „на своја рака“ бидејќи се чувствувала многу депресивно.

Таа досега повеќепати отворено зборувала за проблемите со нејзиното ментално и физичко здравје.

Освен Бела, и мајка ѝ Јоланда исто така се бори со истата болест, а во 2013-та година му беше дијагностицирана и на нејзиниот помал брат Анвар.

Прочитајте и Сезона на крлежи: Зошто овие паразити се опасни, што да правите при убод и како да се заштитите?

Погледнете уште неколку фотографии на следната страница...