Кога чекаш дете со жената што долго си ја посакувал: Малума не престанува да го бакнува трудничкиот стомак на девојката
- Детали
- среда, 25 октомври 2023
„Ова е и отсекогаш бил мој најголем сон“ – напиша Малума до фотографиите и видеата на кои постојано го бакнува трудничкиот стомак на својата сакана девојка. Откако раскина со претходната девојка, Малума е во врска со скромната Сузана, со која се познава од детството и наводно ја чекал да се разведе за да бидат заедно.
Познатиот пејач Малума неодамна објави дека неговата девојка Сузана Гомез е бремена, така што во неговиот спот за песната Procura се застапени инсерти од секојдневието на парот, како и мигот кога го гледаат нивното дете на ехо-снимка.
Малума долго време се трудеше својот приватен живот да го држи подалеку од очите на јавноста, а со девојката објавуваше само ретки фотографии, но тоа се промени откако светот дозна дека неговата девојка е бремена со нивното прво заедничко дете.
Пејачот постојано објавува фотографии и видеа на кои се гледа како го бакнува трудничкиот стомак на Сузана, откако откри дека тие очекуваат девојче на кое ќе му го дадат името Париз.
Пејачот во описот до фотографиите не ја крие радоста за тоа што конечно ќе му се исполни најголемиот сон и ќе добие ќерка.
„Нашето бебе расте многу брзо во стомакот и не можеме да дочекаме да ја запознаеме и да ја држиме во нашите раце... Ова е и отсекогаш бил мој најголем сон“ – напиша тој меѓу другото.
Тој исто така објави уште едно видео на кое го бакнува стомакот на својата сакана Сузана, а на него напиша:
„Луд сум по тебе, Париз“.
Инаку, Малума долго време се трудеше да ги сокрие деталите за врската со Сузана, но од информациите во колумбиските медиуми се дека тие се познаваат многу одамна и дека израснале заедно.
Во една пригода пејачот откри дека негов најголем сон е да најде животен партнер.
„Да, навистина сакам да остарам со некого и да имам семејство... Тоа е еден од моите најголеми соништа – да имам со кого да остарам и да му го дадам целиот свој живот“ – изјави Малума.
За Сузана се знае дека е архитектка и дизајнер, која во 2023-та година отвори компанија за дизајн на накит, Sileo Timeless Jewlery.
Исто така, се знае дека Сузана била во брак со друг маж, но Малума ја чекал да се разведе за да почне нивното поглавје. Дел од колумбиските медиуми објавија фотографии на кои се гледа Сузана со нејзиниот прв сопруг.
За потсетување, претходно Малума беше во врска со хрватската манекенка Наталија Барулич со која раскина во 2019-та година заради неразјаснети околности. Набрзо потоа, манекенката започна врска со Нејмар, а се појавија и првите фотки на Малума со Сузана.
Прочитајте и Романтичната љубовна приказна на Малума и неговата избраничка - тајно бил вљубен во скромна девојка
Б. С. Б. | Црнобело
Би можело да ве интересира:
Препорачуваме
Најчитани неделава
