Романтичната љубовна приказна на Малума и неговата избраничка - тајно бил вљубен во скромна девојка
- Детали
- недела, 02 јануари 2022
Во минатото изјави дека најголем сон му е да ја најде вистинската девојка, а колумбискиот пејач Малума потврди дека и официјално е во врска. Која е девојката во која тој потајно бил вљубен со години и зошто не можеле да бидат заедно?
Тој на Инстаграм објави замаглена фотографија како се бакнува со својата девојка пред новогодишната елка, а до неа напиша:
„Ти благодарам Дедо Мраз“ – напиша тој до објавата.
https://www.instagram.com/p/CX4xSlMA3V1/?utm_source=ig_web_copy_link
Во изминатиот период колумбискиот рапер што се прослави со своите настапи со Шакира, Џеј Ло, Мадона, беше фотографиран како се држи за рака со новата девојка Сузана Гомез, но сè до неодамна тој не се огласуваше по повод пишувањата во медиумите.
Малума и Сузана за првпат беа фотографирани заедно во август 2020-та година во Њујорк, а по ова биле забележани додека биле на прошетка низ Беверли Хилс.
Малума се труди неговиот љубовен живот да го држи подалеку од очите на јавноста, но медиумите во Колумбија веќе открија повеќе интересни детали за неговата нова девојка.
Проследете неколку интересни факти за нив:
За разлика од поранешната девојка на Малума, моделот Наталија Барулич, која подоцна влезе во врска со Нејмар, Сузана Гомез е архитект и има своја компанија за дизајн на ентериер и се држи на страна од медиумите.
Според Ahoramismo, Малума и Сузана пораснале во истиот дел на Меделин (Колумбија) и нивната приказна почнала многу одамна. Тие долго време биле пријатели, но дури во 2020-та година започнале романтична врска.
Како главна причина поради која не можеле долго време да бидат заедно, колумбиските медиуми го наведуваат фактот дека таа била во брак со друг. Не се знае дали нејзиниот брак се распаднал заради врската со пејачот или пак почнале да се гледаат откако се развела.
Сузана е во добри односи и со семејството на Малума, а на видеата од неговата прослава за албумот Papi Juancho може да се види дека покрај членовите на неговото семејство, тука е и Сузана.
Малума стапи во врска со Сузана само неколку месеци откако кажа дека не размислува за врска. Во април 2020-та, по јавното раскинување со Наталија Браулич тој изјави:
„Во моментов сум сингл и не сакам да имам врска во моментов … Целосно сум посветен на кариерата“.
Во истото интервју Малума призна дека сонува да ја пронајде вистинската со која ќе стапи во брак и ќе заснова семејство и дека негов најголем сон е да стане татко.
Прочитајте и Бил фудбалер, продавал сендвичи за да му помогне на семејството: 10 работи кои не ги знаете за Малума
Б. С. Б. | Црнобело
Би можело да ве интересира:
Препорачуваме
Најчитани неделава
