За 2 месеца ќе одлучи дали сака да го гледа татко ѝ – Сури Круз со мајка ѝ низ Њујорк, а Том Круз во Лондон со новата девојка

Детали

вторник, 13 февруари 2024

Два месеца пред да стане полнолетна, Сури Круз опуштено се шета со мајка ѝ низ Њујорк, додека татко ѝ со новата 25 години помлада девојка го шета светот. Низ таблоидите има гласини дека актерот има план како пак да ја придобие ќерката која не ја видел 11 години.

Во понеделникот папараците успеаја да направат фотографии од ќерката на Том Круз и Кејти Холмс, Сури, која во април годинава ќе стане полнолетна и ќе наполни 18 години. Сури беше снимена во опуштено издание со фармерки и каубојски чизми како се шета низ Њујорк со мајка ѝ.

Видно расположени, мајката и ќерката се шетаа низ улиците без грам шминка, а според многумина, девојката денес е копија на мајка ѝ.

Сури порасна во фокусот на вниманието, благодарение на тоа што е ќерка на еден од најпознатите актери во светот, а светската јавност постојано сака да дознае детали за нивниот однос. Според таблоидите, Том ја нема видено ќерка му од 2013-та година.

Како главна причина за нивните нарушени односи се наведува скиентолошката црква, која не му дозволува на Том да има каков било контакт со луѓето што ја отфрлиле нивната религија.

Но, со оглед на тоа што Сури на 18-ти април годинава ќе наполни 18 години, таа сама ќе може да одлучи дали сака или не сака да има контакт со татко ѝ и дали планира да ја прифати црквата.

Според некои пишувања, Том дури има и план како да ја намами ќерката да ја прифати скиентологијата и да ѝ го сврти грбот на Кејти, која во 2012-та година се разведе од него и потоа одлучи да побегне во Њујорк, подалеку од влијанието на религиозниот култ основан од Рон Хабард.

Додека Кејти и Сури безгрижно се шетаат низ Њујорк, Том во моментов живее од другата страна на Атлантскиот Океан, во Велика Британија, каде ужива со 25 години помладата девојка Елсина Кајрова.

Елсина е ќерка на руски пратеник и поранешна сопруга на трговец со дијаманти, а се верува дека таа и Том се запознале минатиот декември на забава и дека оттогаш се нераздвојни.

Според Daily Mail Елсина го придружувала Том на добротворната гала вечер од минатата недела каде присуствуваше и принцот Вилијам, а потоа заедно со хеликоптер заминале во Лас Вегас на Super Bowl.

Прочитајте и Беше во брак со руски тајкун, татко ѝ е политичар: Која е новата девојка на Том Круз?

Б. С. Б. | Црнобело