Раскина со 25 години помладата девојка откако ѝ ги запозна децата  – Дали Том Круз се плаши од сериозни врски?

Детали

четврток, 22 февруари 2024

По Кејти Холмс, Том Круз немал ниту една сериозна врска. Сега, актерот ѝ раскинал на 25 години помладата девојка, само неколку дена откако ги запознал нејзините деца и во сите медиуми беше објавено дека тие двајца имаат сериозни планови за иднината.

Само неколку дена откако во сите светски таблоиди беше објавена веста дека актерот Том Круз е лудо вљубен во 25 години помладата девојка и ги запознал и нејзините деца, тие двајца раскинале. Па, заради тоа, многумина се прашуваат - дали актерот бега од сериозни врски?

Според The Sun, Том Круз одлучил да стави крај на врската со 25 години помладата Елсина Кајрова, но се потрудил да останат пријатели затоа што тие живеат во иста зграда во Лондон.

„Тој не сака да се разделат на лош начин, затоа што потоа би било многу чудно кога случајно би се сретнале во лифт.

Никој од нив двајцата не се лути и, едноставно, нивната врска се потроши“ – вели извор близок до актерот.

Според пишувањата во медиумите, Том ја запознал Елсина во декември минатата година и тие двајца биле нераздвојни неколку месеци, па таа дури и го придружувала на некои важни настани во Лондон.

Наводно, во изминатите неколку месеци, Том секоја вечер бил кај неговата девојка и покрај тоа што и двајцата се многу богати, сакале да уживаат во едноставни работи, како прошетки низ Хајд Парк.

Инаку, Елсина е ќерка на познатиот руски политичар Ринат Кајрова, кој е близок соработник на рускиот претседател Владимир Путин, а претходно била омажена за рускиот олигарх Димитри Цветков со кого има две деца.

Се проценува дека таткото на Елсина има богатство од околу 5 милијарди долари, но очигледно на актерот воопшто не му било важно тоа што таа потекнува од богато семејство.

За потсетување, Том Круз досега трипати бил во брак, а по разводот со Кејти Холмс со која ја доби ќерката Сури, тој не бил во сериозна врска. Минатата година имаше гласини дека актерот сака да започне врска со Шакира.

Прочитајте и Бурниот развод на Том Круз и Кејти Холмс – Не смеела да има врски по разделбата, не ја пуштала ќерка им кај Том без телохранител

Б. С. Б. | Црнобело