„Мислам дека не ја сакав кога се роди“ - Бредли Купер искрен за ќерка му Леа

Детали

четврток, 29 февруари 2024

„Бев фасциниран од ќерка ми, сакав да се грижам за неа, но не ги разбирав другите родители кога викаа дека би умреле за нивните деца“, открива Бредли Купер во ново интервју.

Бредли Купер и Ирина Шајк се разделени од 2019 година, но важат за најдобар пример за тоа како треба да функционира разделен пар кој има дете.

Во 2017-та, тие ја добија ќерката Леа и двајцата активно се грижат за неа по разделбата. Неретко, тие и заедно излегуваат со ќерка им.

Сепак, иако јавноста го гледа Бредли како совршен татко, во ново интервју со Дакс Шепард тој откри дека на почетокот му било тешко да се привикне на новата улога.

49-годишниот актер вели дека воопшто не ги разбирал неговите пријатели кои викале дека „би умреле за нивните деца“.

„Во првите осум месеци, не знаев ни дали ја сакам ќерка ми. Интересно е, гледам како се оформува ова нешто.

Фасциниран сум од детето, сакам да се грижам за него. Но, дали би умрел за него ако некој ми впери пиштол?“

Сепак, актерот вели дека по неколку месеци, почнал да разбира што значи „да се умре за твоето дете“.

„И потоа, одеднаш, без двоумење сфатив (дека би умрел за неа).

Сакав и да станам подобра личност за да ѝ направам што помалку шета на ќерка ми. Не знам ни дали би бил жив ако не бев татко“.

Бредли вели дека станал многу повнимателен дури и за работи како брзо возење, само за да биде сигурен дека ќерка му ќе има родител.

„Детето диктира сè во вашиот живот откако ќе се роди. Вашата ДНК ви кажува дека има нешто поважно од вас“, додава тој.

Актерот се осврна и на начинот на којшто ја воспитува ќерка му и каков однос има со неа.

„Многу мислам на тоа, во смисла како мојата врска со ќерка ми има влијание врз нејзиното растење.

Сфатив дека овој март ќе наполни седум години. Јас имав лош однос со татко ми, не минував многу време со него.

Мислам дека со ќерка ми имам поминато повеќе време отколку со татко ми во текот на целиот живот“, вели актерот и додава дека обожава да си разговара со ќерка му.

Бредли и Ирина беа заедно од 2015 година. По разделбата во 2019-та, редовно излегуваат заедно со ќерка им, а заедно беа и на одмор.

Извесен период се појавија гласини дека ќе се смират, но моментално актерот се гледа со Џиџи Хадид.

Погледнете и: Ирина Шајк зборува за бившиот со восхит: „Бредли е строг татко и не му требаат дадилки“

Спирова С. | Црнобело