Беше првата Мис на Југославија, а нејзината смрт и денес е мистерија – Што знаеме за Никица Маринковиќ?

Детали

четврток, 02 мај 2024

Никица Маринковиќ била првата Мис Југославија која се натпреварувала за Мис на Светот. Важела за вистинска убавица и била мошне популарна, но страдала од депресија, па нејзината смрт и до ден-денес е вистинска мистерија.

Никица Мариновиќ ќе остане запаметена како првата Мис на Југославија која се натпреварувала на изборот за Мис на светот.

Во 1966 година Никица Мариновиќ ја освои титулата Мис на Југославија, а подоцна беше прогласена за втора најубава Европејка.

Родена е во 1947 година во Риека, Дубровник, таа била девојче од скромно семејство од татко рибар и мајка домаќинка.

Судбината ја однела во светот на убавината, додека била во завршната година од нејзиното образование во економското училиште во Дубровник.

Бидејќи била малолетна, Никица морала да се бори со своите конзервативни родители да потпишат формулар за согласност за да може да се натпреварува, и успеала.

Првпат била забележана од Зорица Мутавџиќ, главен уредник на списанието „Базар“ кое било едно од најпопуларните во тоа време.

Зорица не била задоволна од изгледот на од пријавените натпреварувачки на натпреварот за Мис на Југославија, па тоа ѝ донело среќа на Никица.

Уредничката сама тргнала во потрага по анонимни девојки за натпреварот и така ја забележала Никица.

Откако ја добила титулата за Мис Југославија, Никица отпатувала во Лондон во 1966 година на натпреварот за Мис на светот, каде се закитила со уште една титула, за најубава Европејка, односно била втора придружничка на Мис на светот, додека победата ја однесла Индијката Реита Фариа.

Иако познатиот режисер Роберто Роселини ѝ понудил улога во неговиот филм, која би можело да ја трасира патеката до успехот во Холивуд, сепак Никица ја одбила улогата и решила да се врати во Белград.

Нејзиното срце го освоил 10 години постариот режисер Вук Вучо.

Поради него го оставила тогашното момче Владо Распудиќ.

Таа се омажи за Вук и заедно го добиле синот Ѓорѓе, архитект кој сега живее во Америка.

Нивниот брак траел четири години, а по разводот со него, се омажила со режисерот Здравко Шотра, со кого го добила синот Марко.

Но, и овој брак на Никица пропаднал, па тие се развеле и во 1980 година таа останала сама со двата сина.

Многумина не можеле да разберат како е можно таква убавица да нема среќа во љубовта.

По разводот, Никица решила да отвори свој бизнис, па отворила бутик во Белград на улицата „Кнез Михајлова“, а очекувано било дека ќе доживее голем успех бидејќи сите сакале да носат тренди парчиња со потпис на мисицата.

Никица почина на 11 ноември 2008 година на 61-годишна возраст во нејзиниот стан во центарот на Белград.

Таа долг период се бореше со депресија и не остави проштално писмо, па нејзината смрт и денес е мистерија.

Медиумите тогаш објавија дека таа живеела повлечено, а многу е веројатно дека земала смртоносна доза апчиња за спиење.

В. К. | Црнобело