Шон Пен ја држел Мадона врзана со часови: Холивудски скандали кои поминаа незабележано

Детали

недела, 05 мај 2024

Знаевте ли дека во 2015-та, во базенот на Деми Мур било најдено мртво тело на 21-годишно момче?

Повеќето холивудски скандали допираат до целиот свет речиси веднаш.

Но, понекогаш, дури и најбизарните и најголемите скандали, некако остануваат незабележани.

Неколку вакви скандали во продолжение:

Кети Пери бакна тинејџер во уста

Во 2018 година, пејачката беше дел од жирито на American Idol.

За време на аудиција, пејачката, која тогаш имаше 33 години, натера 19-годишен натпреварувач да ја бакне.

Најпрво му рече да ја бакне во образот, но таа се сврте и го бакна на устата. Пејачката се соочи со критики, а подоцна и момчето изјави дека се чувствувало непријатно.

„Пораснав во конзервативно семејство и ми беше многу непријатно. Сакав првиот бакнеж да ми биде посебен“.

Иако изјави и дека не се чувствувал како да бил сексуално вознемирен од пејачката, голем дел од јавноста стоеше на ставот дека Кети Пери направила грешка.

Џени Мекарти го бакна Џастин Бибер

Доколку повозрасен маж присилно бакне многу млада девојка, тоа дефинитивно ќе се смета за сексуално вознемирување.

За жал, многумина не го перципираат присилното бакнување како вознемирување кога станува збор за возрасна жена и младо момче.

Во 2012 година, на доделувањето на American Music Awards, актерката и модел Џени Мекарти присилно го бакна Џастин Бибер, без разлика што тој пробуваше и да ѝ побегне.

Во еден миг изгледа и како да сака да го допре за задникот.

Во меѓувреме, сите присутни се смееја.

Мекарти не се огласи за инцидентот, а не му се ни извини на пејачот.

Кевин Харт призна дека ја тепал поранешната девојка

Во неговите мемоари, Кевин Харт призна дека поминал една ноќ во затвор бидејќи физички ја нападнал неговата поранешна девојка.

Тој опишува и што мислел во моментот, односно дека ја гледал девојка му и си мислел дека пред него стои маж што сака да го истепа.

Актерот не се соочи со никаква критика за признанието.

Џејми Дорнан демнел жена

Актерот кој се прослави со 50 Shades of Grey, самиот кажа дека демнел жена за да се подготви за улога.

Во филмот The Fall тој глуми сериски убиец и изјави дека еднаш следел жена бидејќи сакал да види какво е чувството.

„Следев жена кога се симнав од возот. Кога таа излезе, си реков дека мора да се посветам на ова.

Ја следев низ неколку улици. Беше по малку возбудливо. Но, не сум горд на себе“, откри актерот.

Продолжува на следната страница...