Парис Хилтон сподели први фотки од 5-месечната ќерка Лондон: „Го ценам секој миг со неа“

Детали

сабота, 20 април 2024

„Сонував да имам ќерка која ќе се вика Лондон уште откако знам за себе“ – Парис Хилтон првпат ја покажа ќерката, која ја доби пред пет месеци со сурогат мајка.

Пет месеци откако ја доби ќерката Лондон, Парис Хилтон ја покажа пред јавноста со неколку семејни фотки.

43-годишната богата наследничка и нејзиниот сопруг Картер Реум ја добија ќерката Лондон во ноември со помош на сурогат мајка.

Пред година и некој месец, тие го добија и синчето Феникс, исто така од сурогат мајка.

Парис ги сподели фотките на Инстаграм.

„Ви ја претставувам Лондон Мерилин Хилтон-Реум. Сонував да имам ќерка која ќе се вика Лондон уште откако знам за себе.

Благодарна сум што е овде. Искрено го ценам секој миг што го минувам со неа.

Заедно со Феникс, моите ангелчиња ми покажаа љубов која не знаев дека може да биде толку силна пред да станам нивна мајка.

Моето неверојатно патување низ мајчинството инспирира нова, многу лична песна со мојата драга пријателка Сиа, насловена Fame Won’t Love You (славата нема да те сака).

Песната е како потсетник дека посебната врска што ја чувствувам со моите деца, мојот сопруг и моето семејство е повредна од што било друго во светот“, пишува во објавата на Парис.

Пред некој ден, Парис откри и зошто одлучила да не споделува фотографии од ќерка ѝ.

„Мислам дека секој детаљ од мојот живот бил достапен за јавноста. Сакав моето девојче да го чувам само за себе“, изјави таа за E! News.

Претходно, Парис се соочи со злобни коментари на сметка на изгледот на синот Феникс, па можеби не е ни чудно што одлучила да ја крие Лондон од јавноста.

Прочитајте повеќе: „Моето ангелче е здраво, само има голем мозок“ – Парис Хилтон гневна за грдите коментари за изгледот на нејзиното бебе

Спирова С. | Црнобело