Се избори за ќерката да биде скромна девојка, 12 години ѝ беше и мајка и татко – Како Кејти Холмс докажа дека е родител за пример?

Освен што ја носела на родендени и се трудела да биде тука за неа, Кејти во една пригода рече дека сама ги готви оброците за нејзината ќерка и дека секое утро, пред да отиде Сури во училиште, таа се труди да ја испрати со домашно подготвен појадок.

Во 2017-та година рече дека мајчинството ѝ е најважната улога и дека постојано се труди прво да биде тука за својата ќерка, а потоа за сè друго.

За време на пандемијата, Кејти во интервју рече дека е благодарна за карантинот затоа што во тој период можеле заедно да сликаат, да шијат и да уживаат.

„Секој ден децата се оддалечуваат по малку од тебе. Тоа е позитивна работа. Треба да стануваат понезависни, но ти се крши срцето.

Сакаш да останат со тебе засекогаш, но тие се прекрасни суштества и мораш да направиш сè за да им го дадеш тоа што им треба – и тие ќе си заминат.

И тоа ќе биде многу тажен миг за мене“ – рече Кејти во една пригода.

Инаку, што се однесува до карактерот на Сури, Кејти во една пригода рече дека таа е мошне упорна девојка со цврст карактер, особини кои во голема мерка потсетуваат и на нејзиниот славен татко.

„Таа ќе избере активност и ќе работи до крај сè додека не стане одлична во тоа што го прави. Потоа само ќе рече: ’Во ред треба да пробам нешто ново'. Таа е мошне фокусирана и трудољубива“ – рече Кејти.

Дали Сури ќе остане доследна на првичната одлука да нема никаков контакт со татко ѝ, останува да видиме.

Б. С. Б. | Црнобело