Кои познати личности ја криеја дијагнозата со рак?

Детали

сабота, 14 септември 2024

Јавноста дозна дека Дејвид Боуви имал рак на црниот дроб дури по неговата смрт, исто како и за Чедвик Боузман.

Зборот ’рак‘ е едно од најлошите нешта што можете да ги слушнете од вашиот лекар.

Иако денес постојат терапии за разните видови рак, битката не е воопшто лесна.

А, бидејќи станува збор за мошне личен проблем, не е ни чудно што многу славни личности одлучуваат да ја скријат дијагнозата од јавноста.

Дел од ѕвездите кои криеја дека имаат рак:

Бен Стилер

Холивудскиот актер првпат прозборе за ракот на простата во 2016-та, две години откако ја добил дијагнозата.

Тој откри дека немал никакви симптоми, а ракот бил откриен во 2014-та на рутински преглед.

Набрзо потоа му била направена операција и иако ракот бил излечен, актерот изјави дека чувствува последици, како проблеми во сексуалниот живот.

Софија Вергара

Софија Вергара откри дека имала рак скоро две децении откако била излечена.

Актерката добила дијагноза за рак на тироидната жлезда на само 28 години, а првпат прозборе за болеста дури во 2021-ва.

„На 28-годишна возраст, не очекував да го слушнам зборот ’рак‘. Бев на рутински преглед, но лекарите најдоа тумор во грлото…

Поминав часови на третмани со радијација, а потоа ми направија и операција. Денес можам да се наречам личност која го преживеала ракот“.

Дејвид Боуви

За фановите, смртта на Дејвид Боуви во 2016-та беше огромен шок бидејќи никој не знаеше дека имал рак.

Пејачот добил дијагноза за рак на црниот дроб околу 18 месеци пред да ја изгуби битката.

За болеста знаеле само најблиските пријатели и членови на семејството бидејќи не сакал да се одвлекува фокусот од неговиот последен албум.

Чедвик Боузман

Ѕвездата од Black Panther ја изгуби битката со ракот, а јавноста дозна за болеста дури по неговата смрт.

Во 2016 година, актерот бил дијагностициран со рак на дебелото црево.

И, додека одел на хемотерапија и му биле правени операции, тој продолжи да работи, па никој не се ни посомнева дека нешто не е во ред.

За жал, ракот стигнал до четврти стадиум и во 2020 година актерот почина.

Продолжува на следната страница...