Лиам Пејн и уште 5 славни личности опседнати во нумерологија и „ангелски броеви“

Детали

недела, 27 октомври 2024

Бела Хадид вели дека кога ќе го види „ангелскиот број“ 222, го сфаќа како порака од нејзините ангели дека треба да си посветува повеќе внимание на себе. Кои други славни личности веруваат во наводната мистична моќ на броевите?

Нумерологијата претставува верување дека броевите имаат некаква мистична моќ и имаат влијание врз нашата судбина.

Постојат и таканаречени ангелски броеви – како 444 или 11. Ова најчесто се броеви од цифри кои се повторуваат и се верува дека имаат посебна моќ.

Според верувањата, ги гледаме овие броеви кога ни е потребно некакво водство во животот.

На пример, многумина веруваат дека кога ќе видат 11:11 на часовникот, тоа е порака да останат оптимисти.

Како верување, нумерологијата постои уште пред древна Грција и низ годините нејзината популарност кај јавноста се зголемувала и намалувала.

А, знаевте ли дека нумерологијата е популарна и кај славните личности, особено изминативе неколку години?

Неколку славни личности кои веруваат (или верувале) во мистичната моќ на броевите:

Лиам Пејн

По трагичната смрт на пејачот, неговата девојка Кејт Кесиди сподели неколку фотографии на Инстаграм.

На една од фотките, се гледа порака на која се испишани броевите 4:44.

На друга слика од истата објава е напишано значењето на бројот:

„Бројот 444 е омилениот на ангелите. Многу почесто ќе го видите бројот 444 кога се чувствувате осамено.

Во едноставна смисла, бројот 444 ве потсетува дека вашите ангели се секогаш тука да ве поддржат…“

На истата објава има и порака за збогување од Кејти до Лијам, каде повторно е спомнат бројот 444, што значи и за двајцата имал големо значење.

Џеј Зи

13-тиот албум на Џеј Зи се вика „4:44“.

Раперот има изјавено дека овој број е важен и за него, и за Бијонсе, а тие и се венчаа на 4-ти април (04.04).

За албумот, пак, кажа дека немало посовршено име:

„'4:44' е песна што ја напишав јас и е најважната во албумот.

Се разбудив во 4:44 часот, буквално, за да ја напишам. Па, стана и име на албумот и сè.

Ова е многу можна песна и мислам дека е една од најдобрите што сум ги напишал“.

Кајли Џенер

Синот на Кајли се роди на 2-ри февруари 2022-та (2/2/22) и младата богаташка смета дека има посебно значење и го споредува со ангелски број.

Таа честопати е забележана и со ланче на кое го има бројот 2222.

Џенифер Анистон

Џенифер Анистон ги има истетовирано броевите 11:11, а изјави дека тетоважата за неа има духовно значење.

Исто така, бројот 11 бил посебен за неа бидејќи е родена на 11-ти февруари.

Иста тетоважа има и нејзината најдобра пријателка.

Џим Кери

Опсесијата на Џим Кери со нумерологијата почнала со филмот The Number 23 каде тој ја има главната улога.

Самиот филм се фокусира на нумерологијата и главниот лик (Џим Кери) станува опседнат со бројот.

Актерот има изјавено дека оттогаш, баш овој број има големо значење за него, па дури и го промени името на неговата продукциска куќа во JC 23.

Бела Хадид

Бела Хадид има своја линија парфеми, а на капачињата на секое шише е изгравиран бројот 222.

Кога парфемите беа пуштени во продажба, Бела изјави:

„Изминативе неколку дена насекаде го гледам бројот 222. Овој број ме потсетува дека моите ангели ме водат, но и ми велат да продолжам на моето патување кон среќата…

Кога ќе го видам бројот 222, се потсетувам дека треба да си посветам повеќе време на себе и да правам работи што ќе ме усреќат“.

Спирова С. | Црнобело