За себе вели дека е квир, призна дека има дечко - Кој е Џеј Џеј од Австрија, победникот на Евровизија 2025?

Детали

понеделник, 19 мај 2025

Младиот Австриец со филипински корени за себе вели дека е квир, зборува 4 јазици, обожава картинг, а Wasted Love е неговата прва авторска песна. Што знаеме за Џеј Џеј, победникот на Евровизија 2025?

Јоханес Пич, или Џеј Џеј, е овогодинешниот победник на Изборот за песна на Евровизија што се одржа во Швајцарија.

Со својата песна Wasted Love, тој го освои жирито (и имаше најмногу гласови од нив), но ја освои и публиката од цела Европа.

Младиот Австриец со филипински корени не криеше колку е изненаден, но и пресреќан што го освои трофејот и ѝ ја донесе третата евровизиска победа на својата земја.

Додека траеше гласањето, едната од водителките разговараше со него во зелената соба, а тој, освен што покажа дека му се тресат рацете од возбуда, се пожали и дека „многу му се оди во тоалет“.

Откако победи, на евровизиската прес конференција тој испрати порака за љубов, велејќи дека таа е „најсилната сила на планетата“.

„Да споделуваме љубов, дечки“ - кажа Џеј Џеј, кој за себе вели дека е квир (поим за лице чиј полов идентитет или сексуална ориентација не се совпаѓа со хетеросексуалните норми), и призна дека има дечко.

Што знаеме за евровизискиот победник?

Роден е на 29 април 2001 во Виена, но, поради работата на родителите, дел од детството го поминал во Дубаи.

Татко му е ИТ специјалист, а мајка му готвачка.

Токму во Дубаи првпат почнал да оди на караоке забави, каде што пеел и се забавувал.

Таму живеел до 2016-та, кога со семејството се вратил во Виена.

Продолжува на следната страница...