Џенифер Анистон по 20 години зборува за разводот од Бред Пит: „Таа ера ја памтам како љубовен триаголник, имам трауми“

Детали

среда, 13 август 2025

„Беше застрашувачко. Беше многу ранлив период. Имам трауми од новинарството и таблоидите во тој период. На луѓето им беше сочно да читаат за љубовниот триаголник. Штета што мораше да се случи тоа. Тие на некој начин нè градеа, а потоа нè распарчија“ - вели Џенифер Анистон во искреното интервју, 20 години по разделбата од Бред Пит и признава дека тој период бил тежок за неа. 

Бред Пит и Џенифер Анистон беа еден од најпопуларните и омилените холивудски парови, а нивниот развод останува еден од најзапомнетите моменти во историјата на поп културата.

Во тој период, културата на таблоидите беше најтоксична и брутална, па не е ни чудно што имала трауми од растргнувањето кое го добила од медиумите.

Пит и Анистон беа заедно од 1998-ма, се венчаа во 2000-та и беа неразделни до 2004-та, кога Пит се вљуби во Анџелина Џоли за време на снимањето на „Mr & Mrs Smith“, а ова стана еден од најпопуларните трачеви во светот на познатите.

Прочитајте и Што доби Џенифер Анистон од разводот со Бред Пит и што се случи со неговото богатство?

Сега, 20 години по разводот на Бред и Џенифер, актерката за првпат јавно зборува за тој период, кој го опишува како вознемирувачки и ранлив, заради драмата што се одвиваше во медиумите.

За Vanity Fair, пред 20 години таа го отвори својот дом и го имаше првото интервју по разводот, а 2 децении подоцна, повторно им ги отвори вратите на домот, но и својата душа, па накратко се потсети на тоа што го преживувала тогаш.

„Не сум ја погледнала таа статија многу долго. Но се сеќавам на искуството додека го правевме интервјуто – беше застрашувачко. Беше многу ранлив период.

Новинарството во тоа време беше како некоја форма на спорт. Очигледно е дека сите имаме посттрауматски последици, токму затоа ме плашат овие интервјуа.

Како ќе бидат погрешно интерпретирани моите зборови или ќе се извади нешто од контекст?“ – започнува таа на темата откако беше потсетена на старото интервју.

Таа се потсетува дека таблоидите ја претвориле нивната разделба и романсата на Пит со Џоли во љубовен триаголник, па дека токму така ја памти таа ера од животот, со која ѝ било многу тешко да се соочи и постојано си велела „Собери се и продолжи да чекориш девојко“.

„На луѓето им беше сочно да го читаат тоа. Ако немаа сапуници, ги имаа нивните таблоиди“, вели таа, а за медиумското лудило и лутина додава: „Штета што мораше да се случи, но се случи. И да, го сфатив многу лично“.

 „Тие на некој начин нè градеа и потоа те распарчуваат како пињата. Не можеше да не допре до мене. Ние сме човечки суштества, иако некои луѓе веруваат дека не сме. Тие мислат дека сами сме го барале тоа па сега треба да го трпиме. Но, ние никогаш не сме го сакале ова“.

Прочитајте и Зошто Џенифер Анистон не ја обвинува Анџелина Џоли за разводот со Бред Пит?

Во интервјуто, таа зборува за нејзините пријателки Рис Витерспун, Сандра Булок, но и Гвинет Палтроу, која му беше девојка на Бред Пит пред тие да бидат заедно.

„Иронично, но дури им бев и на прославата за свршување“ – признава Анистон, но нивното пријателство очигледно е посилно и ги засенило нивните љубовни поглавја со истиот маж.

На прашањето дали некогаш си зборуваат за него, Џенифер вели:

„Ох, секако. Како не би зборувале? Па ние сме женски. Си зборуваме за многу женски работи, си даваме совети – што правиш за ова, што правиш за она, имаш ли нов доктор за тоа?“.

Инаку, по разделбата со Пит, таа конечно пронајде љубов во Џастин Тероу, но се разведоа во 2018-та и оттогаш не беше љубовно поврзана со никого, до неодамна.

Прочитајте повеќе: Џенифер Анистон на Мајорка со згоден гуру, по заедничкиот одмор во Калифорнија: Дали конечно најде љубов? (фото)

М. М. | Црнобело