Донатела Версаче (70) изненади со младешкиот изглед: „Трансформација на векот“, велат фановите

Детали

вторник, 26 август 2025

„Летен самрак“ - напиша славната дизајнерка на последната фотка, на која има мазна кожа, потенки усни и делува многу помладо од нејзините 70 години, откако со децении си го уништуваше лицето со естетски корекции.

Познатата италијанска дизајнерка Донатела Версаче (70) повторно го привлече вниманието на јавноста со својот изглед.

Таа изгледа непрепознатливо, но овој пат, коментарите се позитивни, бидејќи Донатела делува многу помладо од својата возраст и вистински блеска на последната фотографија што ја објави на Инстаграм.

Низ годините, славната дизајнерка „пропаѓаше“, а многумина го припишуваа тоа на огромниот број естетски корекции и козметички процедури.

Но, таа јавно призна само дека користи ботокс.

На најновата фотка, нејзините усни се многу потенки, образите не ѝ се отечени, а и линијата на вилицата под ушите е поостра и во форма на коцка.

Донатела носи елегантен фустан со светки и има минимална шминка.

Во минатото, таа најчесто имаше изразена црна сенка која ги криеше нејзините очи и сјај или впечатлив кармин на усните.

Својот нов изглед Донатела почна да го најавува уште во првата половина на годината, кога на забавата на Vanity Fair по доделувањето на Оскарите се појави во златен фустан и дискретна шминка.

Обожавателите на дизајнерката не кријат дека се воодушевени од промената и нејзиниот изглед го коментираат како „трансформација на векот“.

Според некои, нејзината трансформација е можеби и подобра од онаа што неодамна ја направи актерката Линдзи Лохан.

Прочитајте и Убиството на брат ѝ, борба со зависности - тажни детали од животот на Донатела Версаче

А. Ј. | Црнобело