Од инает не ѝ дава пари на мајка му, бранеше педофил: Докази дека Квентин Тарантино има „краток фитил“

Детали

понеделник, 08 декември 2025

На 12-годишна возраст, Квентин Тарантино се заколнал дека нема да ѝ даде ни цент на мајка му кога ќе стане успешен и богат, бидејќи таа зборувала саркастично за неговата желба за пишување. Тој откри и дека знаел што прави Харви Вајнштајн, кој е во затвор за силување, но одлучил да молчи.

Квентин Тарантино ја ужива репутацијата на еден од најпознатите режисери во светот.

Сите ги знаеме филмовите Kill Bill што му донесоа светска слава, зад себе има и други филмови кои веќе се сметаат за култни, а може да се пофали и со Оскар.

Но, Квентин Тарантино важи и за личност со „краток фитил“, а не се срами да ги сподели своите контроверзни ставови.

Без проблем навредува актери и колеги, не крие дека од инает не ѝ дава пари на мајка му, а во една пригода бранеше и педофил.

Дел од скандалозните изјави на Квентин Тарантино:

Не сака да ѝ понуди никаква финансиска поддршка на мајка му

Богатството на Квентин Тарантино се проценува на околу 120 милиони долари.

Но, режисерот има откриено дека нема да ѝ даде ни цент на мајка му, бидејќи кога бил дете, се шегувала за неговите амбиции да стане писател.

На 12-годишна возраст, Тарантино се заколнал дека кога ќе стане успешен сценарист (и режисер), нема да го дели богатството со мајка му.

Во интервју, Тарантино откри дека на училиште, наместо да внимава на часовите, пишувал сценарио. Наставничката го опоменала, а ѝ се придружила и нејзината мајка.

„Мајка ми ме караше и среде разговор ми рече ’Твојата мала писателска кариера е завршена‘. Ми го кажа тоа на саркастичен начин, па си помислив во ред госпоѓо, кога ќе станам успешен писател, нема да видиш ни цент од мојот успех.

Нема да ти купам куќа. Нема да ти плаќам за одмори. Ќе нема луксузен автомобил за мама. Нема да добиеш ништо бидејќи ми го рече тоа“.

На прашањето дали си го променил ставот, режисерот одговори:

„Еднаш ѝ помогнав кога заглави со плаќање даноци. Но, не сум ѝ купил куќа, ниту автомобил. Има последици од она што им го кажувате на децата. Има последици од вашиот саркастичен тон за работи што нив им се важни“.

Мајка му, од друга страна, не му замерува.

„Што се однесува до син ми – го поддржувам, горда сум на него и го сакам него и неговото семејство. Бев среќна што танцував на неговата свадба и што ми подари внук“.

Го бранеше режисерот Роман Полански кој беше обвинет за силување

Во 2003 година, режисерот Роман Полански беше обвинет за дрогирање и силување 13-годишно девојче. Инцидентот се случил во 1977 година.

Тој призна вина, но пред да биде осуден, побегна во Франција.

Додека светот беше згрозен од случајот, Квентин Тарантино почна да го брани колегата, тврдејќи дека девојчето се согласило да спие со него, без разлика што е практично дете.

„Полански спиел со малолетничка. Тоа не е силување. Според мене, кога се користи зборот силување, тоа е насилство, едно од најсуровите видови насилство.

Но, не можете туку така да го користите. Полански е виновен за односи со малолетничка. Девојчето сакало да биде со него, биле во врска“.

Продолжува на следната страница...