Чарли Шин ги победи мажињата

Детали

среда, 30 мај 2012

Нема дрога што на Чарли Шин може да му ја уништи смислата за хумор. Откако го убија во „Two and a half men“, тој воскреснува за новата серија „Anger managеment“.

Откако светот полуде коментирајќи ги неговите проблеми и начин на живот, Чарли пак се смешка велејќи дека секој заслужува дваесет и четврта шанса.

Како да не навивате за него откако ќе ги видите промотивните видеа каде Шин се зеза на своја сметка?

Првите промо-парчиња немаа ни дел од сцените во серијата, ниту пак ги споменаа останатите актери, што се покажа како одлична тактика. И покрај сите испади и по големата хајка против него, Шин ја има публиката на своја страна.

Првата епизода на „Anger Management“ излегува на 28 јуни, а Шин ја игра улогата што во истоимениот филм ја имаше Џек Николсон. Како и во „Spin City“ и „Two and a Half Men“ ликот на Чарли ќе си се вика Чарли, а овој пат друштво ќе му прави Селма Блер.