Родителите на Коби Брајант не ја сакале, тој ја изневерувал: Тажниот живот на Ванеса Брајант

Ванеса поднесе барање за развод од Коби

Иако заедно поминаа низ многу, во 2011 година, Ванеса поднесе барање за развод.

Според некои извори, причината биле неверствата на Коби за кои многу се шпекулираше. Наводно, Ванеса многупати го фатила со други жени.

Сепак, околу девет месеци подоцна, тие се премислија, а Ванеса сподели дека одлучиле да почнат да работат на нивниот брак.

Ја нарекуваа „спонзоруша“

Покрај очувот, и голем дел од јавноста ја нарекуваше Ванеса „спонзоруша“, најмногу поради тоа што поднесе барање за развод кога поминаа десет години од свадбата.

Според законот, ова значело дека Ванеса ќе добие многу пари – можеби и половина од богатството на Коби бидејќи немале предбрачен договор.

Некои прогнозира дека доколу се разведат, би можела да добие над 75 милиони долари.

Дозна за смртта на Коби и ќерка им преку социјалните мрежи

Во 2020 година, Коби Брајант и ќерка му Џијана загинаа во хеликоптерска несреќа.

Следната година, Ванеса откри дека била известена за несреќата од асистентката на нивното семејство. Но, таа погрешно ѝ кажала дека има пет преживеани, па Ванеса мислела дека Коби и Џијана се спасиле.

Веднаш ѝ се јавила на мајка ѝ за да ги чува помалите деца, за таа да може да отиде и да ги види Коби и Џијана.

„Како што завршив со разговорот со мајка ми, на телефонот почнаа да ми излегуваат нотификации со пораката ’Почивај во мир Коби‘“, сподели Ванеса.

Набрзо потоа и надлежните ѝ ги потврдиле страшните вести.

Доби тужба од мајка ѝ

Како смртта на сопругот и ќерка ѝ да не беше доволно, Ванеса доби и тужба од мајка ѝ во најболниот период од животот.

Неполна година од трагедијата, мајка ѝ ја тужеше со тврдење дека со Коби ѝ должеле 5 милиони долари бидејќи им била дадилка на нивните деца.

Исто така, таа тврдеше дека Коби ѝ ветил финансиска поддршка.

„За жал, ветувањето на Коби Брајан не беше исполнето бидејќи сега е починат, а Ванеса Брајант направи сè во нејзина моќ за да ги избегне неговите ветувања“, тврдеше мајка ѝ.

Таа се соочи со остри критики од јавноста, додека Ванеса сподели дека мајка ѝ само сакала да изнуди пари од неа.

Прочитајте и: Немаа предбрачен договор, планираа да се разведат: Помалку познати детали за бракот на Ванеса и Коби Брајан

Спирова С. | Црнобело