„Врескав додека ме изнесуваа од дома“ – Исповед на ќерката на Дејвид Боуви, која на 14 години ја однеле на рехабилитација

Потоа таа раскажува за трауматичниот момент кога татко ѝ ѝ напишал писмо во кое се извинува што мора да го направат тоа, односно да ја однесат на одвикнување, а чинот бил прилично страшен за 14-годишно девојче.

„Не се сеќавам што пишуваше во писмото, но се сеќавам на една реченица – Извини што мораме да го направиме ова.

Потоа двајца мажи влегоа низ вратата, беа многу високи, повеќе од 190cm. Ми кажаа дека може да го направиме ова на полесниот или на потешкиот начин.

Секако, го одбрав потешкиот. Давав отпор. Врескав. Се држев за ногарките од масата. Тие ме влечеа, ги ставија рацете околу мене и ме одвлекоа од сè она за што знам.

Врескав за некој да ми помогне, но никој не го направи тоа... Ме пикнаа во црно SUV возило и додека да ја затворат вратата, моите родители веќе ги немаше.

Бев сама, во автомобил со двајца непознати мажи кои не ми кажуваа каде одиме и седев преплашена во тишина“ – раскажува таа.

@everythingeverywhere_

Alexandria “Lexi” Jones - the daughter of music icon David Bowie and supermodel Iman - has shared harrowing details about her teenage years. Lexi says she was forcibly removed from her family home at age 14 and sent to controversial treatment facilities while she was struggling with anxiety, depression and an eating disorder. She describes being taken by two men, transported in a black SUV and placed in “wilderness therapy” and residential programs that she found traumatic. #DavidBowie #Iman #CelebrityNews #MentalHealth #BeakingNews

♬ Starman (2012 Remaster) - David Bowie

Лекси поминала 91 ден на „терапија во дивина“, програма во која живеела надвор во зимски услови, без приватност, се туширала еднаш неделно и на суров начин била соочена со лечење на менталните проблеми и зависноста.

Оттаму, таа била префрлена во друга институција во Јута, каде требала да помине уште 13 месеци, а токму таму дознала за смртта на татко ѝ и жали што немала можност да биде со него во последните денови.

„Го имав луксузот да зборувам со него 2 дена претходно, на неговиот роденден. Му кажав дека го сакам, и тој ми возврати, двајцата го знаевме тоа.

Потоа ја видов објавата, во која пишуваше нешто како – Дејвид Боуви почина, опкружен со целото негово семејство.

Се почувствував многу лошо, бидејќи да, целото семејство беше таму. Освен јас. Процесирањето на неговата смрт стана цело ново поглавје во мојата програма за лечење“.

Откако се вратила дома по престојот во институција, кратко пред да наполни 16 години, Лекси повторно се вратила на старите навики и повторно била испратена на програма.

Таа вели дека токму овие искуства во животот ја оформиле во тоа што е денес, ја направиле емоционално интелигентна, интроспективна личност која не се плаши да се соочи со тешките работи.

Погледнете го целото видео: 

М. М. | Црнобело