Ja затвориле во установа со шизофренија: Која е првата холивудска „it девојка“?

Кога, пак, Клара ѝ кажала на мајка ѝ дека сакала да работи во забавната индустрија, таа ѝ се заканила со нож и велела дека ќе ја убие.

Поради овој инцидент, мајка ѝ била затворена во установа, каде и што умрела.

Уште од најрана возраст, Клара имала само една желба – да стане актерка.

„Во многуте часови што ги поминав во кино, отсекогаш гледав внимателно и се чувствував чудно за актерите и актерките на платното. Знаев дека јас ќе одглумев поразлично. Не можев да анализирам, но можев да го почувствувам тоа“; има изјавено Клара.

Во 1921-ва Клара победила на натпревар за актерки каде ја добила првата улога, но на крај нејзините сцени биле исечени.

Сепак, надежната актерка била на постерот на филмот и ова бил доволно за колку-толку да се пробие.

Набрзо потоа почнала да добива улоги, а се појавува и во филмот Wings – првиот кој добива Оскар за најдобар филм.

Актерката се појавила во над 25 филмови, но улогата во немиот филм It е она што ја прави легендарна.

Кога го снимала филмот, Клара веќе била позната како холивудска ѕвезда, но луѓето не можеле да ѝ го запомнат името.

Па, почнале да ја нарекуваат The It Girl (девојката од It).

И, прекарот си останал и потоа продолжил да се користи, сè до денес.

Иако била меѓу најголемите ѕвезди, Клара имала проблеми со менталното здравје, исто како мајка ѝ.

Поради стресот што го чувствувала во Холивуд, во 1931-ва имала нервен слом и отишла во установа.

Потоа во 1944-та, пробала да се самоубие, а неколку години подоцна уште еднаш отишла во институција каде што добивала разни третмани со електрична струја.

На крај, актерката била дијагностицирана со шизофренија.

По првиот престој во установа, Клара се венчала со колегата Рекс Бел и со него добила два сина.

Но, поради проблемите со менталното здравје, речиси и да немала контакт со децата.

На хартија, таа останала во брак со Рекс до неговата смрт, а самата починала околу три години подоцна, во 1965-та, од инфаркт.

Додека да се пензионира, Клара снимила 57 филмови и тоа во период од околу една деценија. Па, денес се верува дека била актерката која работела најмногу, а која била платена најмалку.

Но, останува запомнета како првата холивудска it девојка.

Спирова С. | Црнобело