Девојки кои се збогатија преку Јутјуб туторијали

Детали

понеделник, 08 јули 2013

Туторијалите со трикови за убавина во последните неколку години станаа апсолутен хит на Јутјуб, а девојките кои ги реализираат овие видеа стекнаа статус на интернет ѕвезди.

Тие често пати немаат формален тренинг, но имаат одговор на речиси сите недоумици и дилеми врзани за убавината, шармот и привлечноста.

Еве некои од девојките кои се на самиот врв на најпопуларни онлајн гуруа за убавина, кои ги споделиле своите искуства со видео блоговите.

Мишел Пан

Оваа 26 годишна Американка е една од најпопуларните видео блогерки со најголем број на следбеници, а на Јутјуб ја започна својата кариера во 2006 година.

Мишел кога започнала да се занимава со снимање на туторијали била студентка која се надевала дека ќе стане илустратор на детски книги и филмови.

Но, кога нејзината кариера тргна во друга насока, немаше ништо против. Всушност, таа ги внесе “чекор по чекор” туторијалите во светот на секоја девојка.

Линда Цанг

Оваа девојка од Хонг Конг се зачленила на Јутјуб во 2007 година, а нејзиниот канал денес има близу два милиони претплатници.

Линда отсекогаш имала страст за убавина, а посебно блиска до нејзината струка е областа за нега на кожата.

Откако Линда се проби на азискиот пазар, нејзиниот Јутјуб канал ја вивна во модната недела, лансираше своја козметичка линија и колекција маички, беше ѕвезда во еден музички спот, а исто така и патувал на многу егзотични дестинации и собира пари за добротворни цели.

Ел Фолер

Таа е уште една Американка која за само 5 години успеа да собере над милион и половина следбеници на својот Јутјуб канал.

Нејзината сестра Блер е искусна видео блогерка која ја натерала и неа да се обиде. На само 15 години, Блер се навлекла на видео блогови, а од тогаш таа и нејзината сестра имаат лансирано своја линија на облека, како и своја козметичка колекција.