Се снима турска верзија на серијата „Oкругот Оринџ“

Детали

петок, 20 септември 2013

Не се снимаат само во Србија преработки на некогаш популарните светски серии, туку тоа го прават и Турците, кои последниве години го презедоа тронот од Латиноамериканците, кога се во прашање телевизиските серии.

Серијата „Округот Оринџ“, која се снима од 2003 до 2007 година, за првпат е адаптирана на друго говорно подрачје, и тоа на турско. Имено, телевизиската продукција Warner Bros International го пратила сценариото со 13 епизоди од првата сезона на турската продуцентска куќа, која вложила огромна сума пари во турската верзија на некогаш популарните тинејџерски серии.

„Денес, стандардите за драми се многу високи, така што сме воодушевени од она што го направија со нашиот антологиски ТВ-формат. Совршено е вклопена оригиналната серија со турски менталитет, култура и обичаи“, изјавил Андреј Зеин, менаџер за продажба во Warner Bros.

Како што се сеќавате, оваа серија направи ѕвезди од глумците како Бенџамин Меккензи, Миша Бартон, Адам Броди и Рејчел Билсон, кои тогаш привлекоа огромно внимание.

Погледнете ги и споредете ги видео треилерите за американската и за турската верзија на оваа серија.