Светски пејачи кои само отвораат уста

Детали

понеделник, 20 јануари 2014

Ако мислевте дека само некои од нашите музички ѕвезди пеат на плејбек и се изненадувате кога ќе запеат во живо, со чест на исклучоците, многу светски ѕвезди го прават истото. Дури некои од нив се навистина реномирани и познати по своите вокални способности, но сепак, не секогаш го „трошат“ гласот на своите настапи.

 

Дознајте кои светски ѕвезди на своите настапи само отвораат уста:

Мараја Кери

Иако сите се согласуваат дека има фантастичен глас, таа упорно на настапите користи плејбек.

Многу пати ја обвинувале за тоа, но најмногу ги изнервира фановите кога настапуваше на финалето на „Американскиот идол“ 2013, кое е токму такво шоу каде целта е сите да пеат во живо, а таа само мрдаше со устата.

Шакира

Настапуваше на ФИФА концертот по повод почетокот на фудбалското првенство и повеќе од очигледно беше дека пее на плејбек.

Имено, нејзината песна „She wolf“ почна пред таа и воопшто да се појави на сцената.

После тоа, изгледаше како да не се ни труди да ги следи зборовите од песната. Со овој настап таа заработи многу негативни коментари.

Крис Браун

За време на доделувањето на „Билборд“ музичките награди 2012 година Крис настапи на плејбек, а тоа беше негативно коментирано од неговите колеги Џо Џонас и Пинк.

50 cent

Дури и раперите избегнуваат пеење, односно рапување во живо!

Тој во 2007 година на доделувањето на БЕТнаградите со својот настап зачуди многумина. Ја рапуваше својата песна, при тоа без и воопшто да ја отвори устата.

Ешли Симпсон

Нејзиниот настап во емисијата „Saturday Night Live“остана забележан и незаборавен, бидејќи откако застана на сцената и почна плејбек снимката од песната, а таа не доби знак дека треба да ја отвори устата, се симна лута од сцената и си замина.

Бијонсе

Јавно е понижена откако се откри дека американската химна која минатата година ја отпеа на инаугурацијата на Барак Обама била на плејбек.

Таа се правдала дека немала соодветна тонска проба, па не сакала да ризикува.

Две недели подоцна, Бијонсе на конференцијата за новинари започнала да ја пее химната во живо, после што им се обратила со зборовите: „Имате ли некое прашање?“