Сонот е клуч за успехот: Во колку часот си легнуваат богатите и славните?

Детали

четврток, 24 мај 2018

Знаевте ли што им е заедничко на Барак Обама и Илон Маск? Двајцата заспиваат и се будат во исто време. А, доколку мислевте дека старлетата Ким Кардашијан е ноќна птица, па се забавува до раните утрински часови, сигурно ќе ве изненади податокот дека таа има мошне здрава рутина на спиење.

Квалитетниот  сон е особено важен за здравјето. Истовремено, тој е и првиот чекор на патот кон успехот. Откако ви откривме кои се познатите личности што не спијат до пладне, туку стануваат рано, овојпат ќе се позанимаваме со тоа кога точно одат во кревет.

Какви им се навиките за спиење на дел од најуспешните јавни фаци? Еве во колку часот си легнуваат богатите и славните:

Ана Винтур – 22:00

Уредничката на американскиот Vogue се буди пред шест часот. Првин игра тенис, па стилистката ѝ ја фенира косата во препознатливата фризура. Бидејќи рано станува, таа оди на спиење во 22 часот, за да се oдмори и биде свежа во улогата на најмоќна жена во модната индустрија.

Ким Кардашијан – 22:30

За добро здравје и убав изглед, експертите препорачуваат квалитетни осум часа сон. Ким Кардашијан им верува и се придржува до советот. Во интервју за Harper’s Bazaar, старлетата откри дека заспива меѓу десет и единaесет часот навечер, а станува околу 6 наутро.

Елен Деџенерис – 23:00

Taa e американска телевизиска водителка, комичарка, актерка, писателка и продуцентка. Накусо – медиумска личност со големо влијание. Наспроти многубројните ангажмани, ни Елен Деџенерис не се лишува себеси од препорачаните осум часа сон. Спие во интервалот од 23 до 7 часот.

Бил Гејтс – 00:00

Мал е бројот на луѓе кои се побогати од претприемачот Бил Гејтс. Во разговорот за Seattle Times, милијардерот изјави дека во кревет оди точно на полноќ, по што задолжително спие седум часа. Без неопходната количина на сон, тој не би можел да биде креативен.

Илон Маск – 01:00

Основачот на PayPal, Tesla и SpaceX, важи за генијален ум и еден од најголемите создавачи во светот. А, колку време се одмара во текот на ноќта? Илон Маск спие само шест часа, а си легнува после полноќ. Поточно – во 1 часот наутро.

Барак Обама – 01:00

Ниту поранешниот претседател на САД не спие повеќе од шест часа. Заспива во 1 часот, а станат е од 7 наутро. Меѓутоа, Барак Обама не е главниот ранобудник во семејството. Додека тој уште се расонува, неговата сопруга Мишел веќе вежба во домашната теретана.

Опра Винфри – 02:00

И култната телевизиска водителка рано станува. Сепак, слично на милијардерот Илон Маск, спаѓа во групата на успешни луѓе кои прилично малку спијат. Опра Винфри за Fast Company сподели дека си легнува во 2 часот наутро, а природно се буди помеѓу 7:15 и 7:23. Пет часа сон ѝ се сосема доволни.

Во колку часот си легнувате вие?

М. А. | Црнобело