Прво појавување на Меган Маркл откако ја напушти Англија (фото)

Детали

среда, 15 јануари 2020

Во вторникот, Меган за првпат се појави во јавноста откако ја напушти Англија и замина во Канада.

Војвотката од Сасекс излегла од домот околу 10 часот наутро и се упатила кон аеродромот Victoria Harbour, а по фотографиите се гледа дека е во одлично расположение.

Оттаму, Меган го посети женското засолниште Downtown Eastside Women’s Center во Ванкувер, со цел да им понуди поддршка на тамошните жени.

Од засолништето објавија и фотографија од Меган и 8 други жени, со описот:

„Гледајте со кој пиевме чај денес! Војвотката од Сасекс, Меган Маркл, денес нè посети за да разговараме за проблемите со кои се соочуваат жените во заедницата.“

Еден од вработените изјави дека дознале за посетата на Меган дури кога таа пристигнала.

Засолништето им нуди храна и ги задоволува најосновните потреби на жените и децата кои имаат потреба од тоа. Притоа, има и советувалиште за нив.

Според вработените, Меган ги прашала што им треба на жените и ја понудила нејзината поддршка. Засега е непознато дали таа планира долгорочна соработка со центарот.

8-месечниот син Арчи не беше со Меган, а очигледно посетата на војвотката била кратка бидејќи таа не носеше куфер.

Ова е прво забележување на Меган, но се појавија гласини дека еднаш отишла до аеродромот Victoria International Airport.

Меган е во Канада од минатиот петок, додека Хари е во Британија и преговара за нивната одлука да се откажат од кралските должности. Парот најверојатно ќе се обедини подоцна неделава, кога Хари ќе оди во Канада.

Спирова С. | Црнобело