Кралицата Елизабета ги поддржа Хари и Меган во одлуката да бидат независни


Кралицата Елизабета ги поддржа Хари и Меган во одлуката да бидат независни

Во понеделникот, кралицата Елизабета изјави дека таа и кралското семејство целосно ги поддржуваат Хари и Меган во желбата да започнат нов живот.

kralicata-elizabeta-ja-poddrzhuva-odlukata-na-hari-i-megan-da-bidat-nezavisni-01.jpg

Наводно, кралицата се согласила на период на транзиција во кој Хари и Меган ќе го минуваат времето во Канада и Британија.

Интересно е што на почетокот на изјавата, кралицата не ги искористи титулите на Меган и Хари, туку им се обрати по име. Сепак, не објасни кој е нивниот следен чекор.

kralicata-elizabeta-ja-poddrzhuva-odlukata-na-hari-i-megan-da-bidat-nezavisni-03.jpg

Кралицата додаде и дека има уште многу работа и дека треба да се донесат некои важни одлуки, кои најверојатно ќе ги сподели овие денови.

Изјавата на 93-годишната кралица беше објавена набрзо по гласините за состанокот во Sandringham, каде што присуствуваа Хари и Вилијам, како и принцот Чарлс. Се верува дека Меган, која моментално е во Канада, учествувала на состанокот преку телефон.

kralicata-elizabeta-ja-poddrzhuva-odlukata-na-hari-i-megan-da-bidat-nezavisni-02.jpg

„Денес моето семејство имаше конструктивна дискусија за иднината на мојот внук и неговото семејство.

Моето семејство и јас целосно ја поддржуваме желбата на Хари и Меган да создадат нов живот како младо семејство. Иако повеќе би сакале да останат активни членови на кралското семејство, ја почитуваме и разбираме желбата да живеат независен живот, додека сè уште се важен дел од моето семејство.

Хари и Меган јасно изјавија дека не сакаат да зависат од парите на јавноста.

Поради тоа ќе има период на транзиција во кој војводата и војвотката од Сасекс ќе го минуваат времето во Канада и Велика Британија.

Ова се комплексни проблеми за моето семејство и треба да се работи уште, но побарав да се дојде до конечната одлука овие денови“, стои во изјавата на кралицата.

Спирова С. | Црнобело

Би можело да ве интересира:

14 работи кои ќе беа дел од вашиот живот ако бевте родени во Северна Кореја Ќе си купевте апликација за телефон буквално од продавница, ќе изберевте од пост...
„Сакаме финансиска независност“ - Принцот Хари и Меган се повлекуваат од кралска должност Вчеравечер, Хари и Меган предизвикаа вистинска бура кога изјавија дека планираат...
Жена „вложила“ 30.000 долари во операции и корекции за да личи на Меган Маркл (фото) Откако Меган Маркл влезе во британското кралско семејство, многу жени ширум свет...