Познати личности кои водат битка со дијабетесот

Детали

сабота, 25 јануари 2020

Дијабетесот не е болест која опасна по живот доколку се третира на правилен начин со лекарска помош, здрава исхрана и редовно вежбање.

Постојат неколку фактори што го зголемуваат ризикот од оваа болест, вклучувајќи ги генетиката, животниот стил и тежината.

Дијабетесот е болест која не бира ниту години, ниту раса, ниту пол, ниту, пак, прави разлика помеѓу богати и сиромашни.

И познатите не се имуни на дијабетес, а некои од нив се борат со оваа болест веќе неколку години.

Во продолжение погледнете кои познати личности водат битка со дијабетесот:

Хали Бери

За време на снимање на филм на почетокот на нејзината кариера, во нејзините рани 20-ти, Бери паднала во кома од која не можела да се разбуди со денови. Тогаш дознала дека има дијабетес од прв степен кој е неизлечлив.

Овој тип дијабетес забранува внес на било какви преработени шеќери и јаглехидрати во исхраната.

Актерката вели дека оттогаш па наваму, нејзиниот начин на живот е комплетно променет и со помош на строга диета успева да се справи со болеста.

Том Хенкс

На овој светски познат актер првпат му бил дијагностициран дијабетес во 2013-та година. Тој има изјавено дека на почетокот ги одбегнувал непосакуваните симптоми и мачнини и не сакал да се помири со фактот дека има дијабетес.

Но, кога состојбата му се влошила, Хенкс немал друг избор освен целосно да го промени начинот на исхрана и животниот стил. Оттогаш, актерот одбива да прифаќа улоги за кои треба да ја менува својата килажа.

Салма Хајек

За разлика од Том и Хали, Салма заболела од гестациски дијабетес, и тоа за време на бременоста со нејзината ќерка Валентина. Овој тип дијабетес е малку „полесен“ од другите и не бара многу строга исхрана.

Сепак, доколку не се третира правилно, овој тип подоцна може да премине во дијабетес од втор степен кој е многу поопасен и поризичен.

Ник Џонас

Најмалиот од браќата Џонас, Ник, бил дијагностициран со дијабетес од прв степен на само 13 години.

Минатата година, пејачот на Instagram објави пост во кој напиша дека ова искуство го натерало да води здрав начин на живот, да внимава на исхраната, редовно да вежба и постојано да го проверува нивото на шеќер во крвта.

Тој исто така напиша и дека е поздрав од кога било во животот.

Шерон Стоун

Во 2001 година Шерон доживеа мозочен удар од кој едвај преживеа. Актерката имаше обилно крвавење во мозокот и беше последица на несакана случка. За целосно да се опорави и излечи од оваа случка ѝ биле потребни 7 години.

Тогаш ѝ бил дијагностициран дијабетес од прв степен, за кој вели дека многу ѝ помогнал со здравата исхрана и здравиот начин на живот, бидејќи и немала друг избор.

Т. Ѓ. | Црнобело