Принцот Хари конечно прозборе за одлуката да се повлечат од кралските должности со Меган
- Детали
- понеделник, 20 јануари 2020
Речиси две недели после изјавата на Хари и Меган дека ќе се откажат од кралските должности, принцот конечно прозборе во јавност.
Во неделата, 35-годишниот Хари присуствуваше на настан организиран од поддржувачите на неговата добротворна организација Sentebale, која им нуди поддршка на децата заразени од ХИВ.
Хари одржа говор, во кој конечно прозборе за неговата и одлуката на Меган што го изненади целиот свет:
„Пред да започнам, морам да кажам дека можам само да замислам што сте слушнале или прочитале изминативе неколку недели.
Па, сакам да ја слушнете вистината од мене, не како принц или војвода, туку како Хари, истата личност што многумина ја гледавте како расте изминативе 35 години – но со појасна перспектива“, Хари го започна неговиот говор.
Хари сподели дека Британија е неговиот дом и местото што го сака, како и дека тоа никогаш нема да се промени. Принцот спомна дека ја чувствувал поддршката од сите и се радувал што многумина ја пречекале Меган со „широко отворени раце“.
„Знам дека ме познавате доволно за да ми верувате дека жената што ја одбрав за моја сопруга ги дели истите вредности со мене. Тоа е жената во којашто се вљубив.
И двајцата даваме сѐ од себе да ги исполниме нашите должности за оваа држава со гордост. Штом се венчавме со Меган, бевме возбудени, бевме полни со надеж и бевме овде да служиме.
„Од тие причини, ме растажува што дојде до ова. Одлуката што ја донесовме со сопругата не ја донесовме лесно. Го направивме тоа после многу месеци зборување, после многу години со предизвици. Сакам да нагласам дека ние не си заминуваме, а сигурно не ве напуштаме вам.“ - продолжи Хари.
Хари изјави дека со Меган се надевале дека ќе можат да ѝ служат на кралицата и на државата, но без финансирање од јавноста. Сепак, ова било невозможно.
„Го прифатив ова, знаејќи дека тоа нема да ме промени мене или мојата посветеност. Но, се надевам дека ќе ви помогне да сфатите дека ќе се повлечам од сè за што сум знаел, за да зачекорам во, се надевам, помирен живот.“
BREAKING: Prince Harry: "There was no other option."
Prince Harry has revealed he and Meghan felt they had no other option but to leave the Royal Family behind during a speech for his Sentebale charity.
Read more here: https://t.co/2tNh1kBEXM pic.twitter.com/8plUnoJlX5
Хари ја спомна и неговата мајка, принцезата Дијана, која се залагаше за лицата заболени од ХИВ и сида.
Хари изјави дека му било чест да ѝ служи на земјата и на кралицата. Напомена дека токму таа се грижела за него откако ја изгубил мајка си.
„Секогаш ќе ја имам најголемата почит за баба ми и сум им неверојатно благодарен неа и на семејството за поддршката што ни ја дадоа со Меган.
Со Меган правиме голем скок и ви благодарам што ми ја дадовте храброста да го преземам овој следен чекор.“
Веднаш после изјавата на 8-ми јануари, Меган, заедно со синчето Арчи, се упати кон Канада, додека Хари остана во Англија за да работи на проблемот.
Парот веројатно ќе живее во Северна Америка, но точната локација е сѐ уште непозната.
Спирова С. | Црнобело