Македонката што победи во австралиско реално шоу со македонско знаме си кажа од каде потекнува (фото)

Детали

среда, 07 октомври 2020

Во Австралија живеат многу Македонци, а Ирена Србиновска иако е родена таму не заборава на своето македонско потекло, таа учела дури и во македонско училиште во Австралија.

Ирена Србиновска (31) победи во шоуто „The Bachelor 2020“ и го освои срцето на Локи Гилберт, кој од сите девојки ја избра токму неа за своја партнерка.

Таа со својот сакан е многу актуелна периодов и многу фанови на шоуто се интересираат за детали од нејзиниот приватен живот.

Едно од прашањата на Instagram Story беше околу тоа која националност е, на што Ирена гордо одговори:

„Татко ми е Македонец, а мајка ми Хрватка. Родена сум во Австралија, но учев во македонско училиште и изучував македонски танци. Исто така имам патувано во двете земји.“

Медицинската сестра од Мелбурн очигледно не заборава на своите корени од Битола.

Таа периодов крстосува низ Австралија со Локи и уживаат во секој миг минат во природа.

Фотки од нејзиниот избраник:

С. С. | Црнобело