Имаат милиони, но не ги разгалуваат децата – Како Роналдо и Џорџина го прославија роденденот на ќерката? (видео)
- Детали
- четврток, 18 ноември 2021
Можеби имаат милиони, но Роналдо и Џорџина одлучија да направат роденденска забава за нивната ќерка исполнета со забава за најмалите. Колички со удирање, борба со ласерски пиштоли и, секако, фудбал...
Без многу екстраваганција и гламур, со забава во игротека, Кристијано Роналдо (36) и неговата партнерка Џорџина Родригез (27) го прославија 4-иот роденден на нивната ќерка Алана, а како што може да се види од видеото што Џорџина го објави на нејзиниот Инстаграм профил, тоа бил ден во кој децата навистина уживале.
Џорџина која во моментов е бремена со близнаци, минатиот петок (12.11) подготвила роденденска забава со декорации од балони во игротека, а денот бил исполнет со игри и забава.
Возење со колички, војна со ласерски пиштоли, а на забавата присуствуваше и поранешниот клупски колега на Роналдо, Марсело, кој играше фудбал заедно со децата.
По ова следеше 3Д филмска проекција и секако голема торта со еднорози.
Сѐ на сѐ, може да се каже дека славниот пар подготвил „скромна“ роденденска забава во која пред сѐ најважно било дечињата да се забавуваат и да си играат, а не родителите да покажат луксуз.
За потсетување, Кристијано Роналдо има уште три деца - синот Кристијано Џуниор (11) и близнаците Ева и Матео (4) добиени од сурогат-мајка.
Погледнете го видеото од роденденската забава во продолжение:
Прочитајте и Џорџина е бремена по вторпат, со близнаци: „Роналдо прави свој фудбалски тим“
Б. С. Б. | Црнобело
Би можело да ве интересира:
Препорачуваме
Најчитани неделава
