Тетоважата од главата на Тревис извезена на велот на Кортни – фотки од гламурозната свадба на парот во Италија (фото)

Детали

понеделник, 23 мај 2022

Секси мини венчаница, огромен вел на кој е извезен ликот на Богородица, пресликан од тетоважата на Тревис - Кортни и нејзиниот сакан третпат го кажаа судбоносното да, овојпат на гламурозната свадба на тврдина во Италија што ја најавуваа уште од мигот кога се верија.

По „лажната“ венчавка во Лас Вегас и официјалната приватна церемонија во Санта Барбара, Кортни Кардашијан и Тревис Баркер конечно направија и свадба, и тоа на тврдина во италијанско рибарско село.

43-годишната Кортни и 46-годишниот Тревис третпат го кажаа судбоносното „да“ на прослава на тврдина во селото Портофино, а свадбата беше ништо помалку од спектакуларна.

Наместо класична венчаница, на големиот ден Кортни носеше кратко бело фустанче со корсет и долг вел украсен со везови од цветови.

Највпечатливиот детаљ на велот беше огромниот вез инспириран од тетоважа што Тревис си ја направил на главата - ликот на Богородица.

Велот е толку долг, што додека Кортни се движеше кон олтарот, двајца асистенти мораа да го држат зад неа.

Потоа, за забавата, Кортни го замени долгиот вел со многу пократок.

Венчаницата и велот се од модниот бренд Dolce and Gabbana и наводно скоро сите од семејството на Кортни носеле креации од популарната модна куќа.

Тревис, пак, одбрал „пообична“ комбинација – црн костум и кошула.

Кортни сподели неколку фотки од свадбата направени пред златниот олтар украсен со многу рози и свеќи.

Тревис од друга страна беше поскромен со објавите и сподели само една фотографија од свадбата – моментот кога ја бакнува Кортни пред олтарот.

https://www.instagram.com/travisbarker/

Семејството на Кортни ја искористи можноста да заблеска на нејзината свадба, па сите беа во најдобро издание.

Мајка ѝ Крис Џенер носеше долго розов фустан со широки ракави, украсен со пердуви во комбинација со дијамантски обетки.

Ким Кардашијан изгледаше одлично со долгиот тесен фустан со тантела во комбинација со раскошен ѓердан со зелени скапоцени камења.

Ќерка ѝ Норт исто беше во црно од глава до пети, со фармерки и долга наметка, во комбинација со дијамантски ѓердан и многу прстени.

Кајли Џенер одбрала долг тесен фустан украсен со цветови, додека Клои носеше долг фустан од тантела во комбинација со раскошна круна.

На свадбата присуствува и Меган Фокс и Машин Ган Кели. Актерката носеше црн фустан со корсет и кожено здолниште, додека музичарот одбрал необичен костум со леопардски принт.

Повеќе фотки од свадбата на Кортни и Тревис:

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
•  

Спирова С. | Црнобело