Не е Ванеса Паради – Која е и како изгледа денес првата сопруга на Џони Деп, која му помогнала да стане славен?
Таа била 5 години повозрасна од него и му помогнала да ја започне холивудската кариера, а Џони Деп со неа се оженил кога имал само 20 години. Како изгледа денес првата сопруга на познатиот актер, која сѐ уште го носи неговото презиме?
Кога се говори за поранешните девојки и сопруги на Џони Деп, први на ум ни паѓаат Кејт Мос, Ванеса Паради и секако Амбер Херд.
Ретко кој слушнал за Лори Ен Алисон со која се ожени во 1983-та година кога имал само 20 години.
Се верува дека токму таа му помогнала најмногу за кариерата затоа што го запознала со Николас Кејџ, кој пак го запознал со неговиот агент и така започнува брилијантната холивудска кариера на Џони.
Актерот се откажал од средното образование и сакал да изгради кариера како актер и како музичар. Неговиот прв бенд се викал The Kids.
Џони и Лори се запознале преку бендот, затоа што Алисон е сестра на басистот во групата. Се гледале секој ден и иако Алисон е 5 години повозрасна од Џони, сепак стапија во брак.
Џони и Алисон се разделија во 1985-тата година по само две години брак, но таа во 2016-та година по обвинувањата од Амбер Херд, прва застана во одбрана на Џони и кажа дека тој е мошне нежен човек, што никогаш не ѝ се развикал додека биле заедно.
Лори сѐ уште работи како шминкерка и има свој бренд на сјај за усни кој се вика Serrendipity, а е активна и на социјалните мрежи.
Интересно, но таа уште се потпишува Лори Деп.
Б. С. Б. | Црнобело
Би можело да ве интересира:
Препорачуваме
Најчитани неделава
