Ексклузивни фотки од 23-годишната девојка на Пике – заедно одат на свадба, гласини дека ја запознал со децата

Детали

четврток, 25 август 2022

Новата девојка на Пике добро се крие од јавноста, но шпанскиот магазин Hola! објави ексклузивни фотки на кои се гледа нејзиното лице. Парот е фотографиран додека оди на свадба, а во меѓувреме се јавија гласини дека девојката веќе ги запознала децата на Шакира и Пике.

Шакира и Пике се разделија во јуни, по 11 години заедно, а фудбалерот веќе има нова девојка - Клара.

А, по сè изгледа дека врската на Пике и 23-годишната девојка е навистина сериозна – по бакнежите и прегратките на музички фестивал, фудбалерот ја однесе Клара и на свадба.

Според шпанскиот магазин Hola! кој ги објави ексклузивните фотки, 35-годишниот фудбалер и Клара оделе на венчавка кај пријател на Пике.

На папарацо фотките, Пике и Клара се држат за рака, а потоа и се прегрнуваат.

Фудбалерот носеше костум, додека младата девојка носеше шарен фустан во комбинација со влечки со штикли.

Откако јавноста дозна за Пике и неговата девојка, таа ги избриша профилите на социјалните мрежи, па ова се всушност првите фотки на кои се гледа нејзиното лице.

Според извори блиски до Шакира, таа била гневна на фудбалерот кој почна да се појавува во јавност со Клара, бидејќи имале договор да ги кријат новите партнери најмалку една година по раскинувањето.

Во меѓувреме, некои извори тврдат дека Клара веќе ги запознала децата на Пике и Шакира, но овие гласини уште не се потврдени.

Неодамна се појави и видео на кое Клара танцува на песна на Шакира – Te Felicito – што многумина го протолкуваа како провокација.

На видеото, Клара носи бикини и се снима пред огледало.

Бројните фанови на Шакира ја нападнаа младата девојка во коментари, а набрзо потоа видеото беше избришано.

„Некој се обидува да привлече внимание… Веројатно е тешко да живееш во сенката на Шакира“.

„Ова е провокација и непочитување“.

„Како се осмелуваш да искористиш песна од Шакира?“

Сепак, поверојатно е дека видеото не е направено од Клара бидејќи беше објавено на профил на непознато лице – како што спомнавме, Клара повеќе не користи социјални мрежи.

Засега, ни Пике ни Шакира се немаат огласено за новата девојка на фудбалерот.

Спирова С. | Црнобело