„Сигурно дома ви смрди“ – Мила Кунис и Ештон Кучер критикувани по новите бизарни детали за хигиенските навики

Детали

понеделник, 03 октомври 2022

„Одвратни сте“, „Ова не моравме да го знаеме“ - Минатата година актерите Ештон Кучер и Мила Кунис ја шокираа јавноста откако признаа дека децата ги бањаат само кога видно ќе се извалкаат, а деновиве повторно се хит на социјалните мрежи откако споделија нови детали за хигиенските навики во нивното семејство.

Мила Кунис (39) неодамна даде интервју за E! News каде откри дека во нивниот дом имаат бизарна политика на „отворени врати“ во која се вклучени и нивните деца Вајат Изабел (7) и Димитри Портвуд (5).

Актерката призна дека во нивниот дом не се затвора ниту една врата, па дури ниту вратата на тоалетот.

„Никогаш не верував дека ќе можам да одам во тоалет со отворена врата“ – вели таа и додава дека откако почнала да живее со сопругот и со децата сфатила дека воопшто не е важно дали ќе ја затвори вратата затоа што нема некоја разлика.

Појаснува дека одлуката за отворена врата од тоалетот ја донеле откако децата почнале да тропаат на секои две секунди и таа одлучила само да ја остави вратата отворена.

Ова бизарно признание на Мила Кунис предизвика лавина рекции на Твитер, а оние што ја погледнаа веста коментираат дека парот е очаен за внимание:

„Зошто моравме да го знаеме ова“, „Некои работи не треба да се споделуваат во јавност, ова е една од тие“, „Жал ми е за нивните носови“, „Одвратни сте“, „Сигурно ви смрди“ – се само дел од коментарите на социјалните мрежи.

Mila Kunis reveals that she and husband Ashton Kutcher don’t close the door while going to the bathroom at home anymore:

“It's just one of those [things] where, for better or for worse, as a family and the kids have all kind of embodied bodily function as a very standard norm.” pic.twitter.com/zEIZikFjzh

— Pop Crave (@PopCrave) September 30, 2022

Инаку, минатата година Ештон Кучер и Мила Кунис беа хит на социјалните мрежи откако признаа дека дома не ги бањаат децата и дека воопшто не користат сапун.

Парот отиде уште подалеку па откри дека дури и тие двајцата мошне ретко користат сапун освен под пазувите и на интимните делови од телото.

Прочитајте и Бизарно признание на Мила Кунис и Ештон Кучер: „Децата не ги бањаме додека не се извалкаат, а сапун ретко користиме“

Б. С. Б. | Црнобело