„Луѓето му се смеат на мојот сопруг дека има жена од 113kg, но тој не се заморува - среќни сме“

Детали

петок, 19 мај 2023

Мет и Британи од Канада се доказ дека љубовта нема граници и не познава ниту облици и големини, туку само емоции. Парот, кој постојано се соочувал и се соочува со невкусни коментари за физичките разлики, ја крунисал својата љубов со брак и детенце.

Љубовната приказна на Мет и Британи од Канада е доказ дека стандардите за убавина се субјективни и дека никој не треба да ги коментира туѓите избори.

Британи е 23-годишна девојка, која тежи 113 килограми и вели дека цел живот имала проблем да се прифати себеси. Се чувствувала истоштено и безнадежно од недостигот на самодоверба.

Поранешните момчиња постојано ѝ споменувале да ослабе, но сето тоа се променило кога го запознала Мет Монтгомери, кој ја засакал токму таква каква што е.

Денес, тие се во брак и имаат едно детенце.

Парот се запознал преку Фејсбук во 2020 година и покрај разликите во физичкиот изглед, тие веднаш почувствувале поврзаност и хемија.

Британи открива дека Мет постојано се соочувал со коментари „Што бара со толку крупна девојка, кога тој е толку слаб“, но тој знаел дека им е судено да бидат заедно и ја запросил на почетокот од 2022.

„Луѓето сè уште нè загледуваат на улица, но повеќе не ми е грижа, знам дека заслужувам безрезервна љубов“, вели Британи.

С. С. | Црнобело