Објавени првите фотки од божиќната магија во Галерија Лафајет во Париз: „Дедо Мраз годинава е страшен“
- Детали
- среда, 15 ноември 2023
Огромна елка направена од кристали во форма на спирала и Дедо Мраз со несекојдневен изглед... Објавени се првите фотографии од елката во Галерија Лафајет во Париз, но коментарите се дека Дедо Мраз изгледа по малку страшно годинава.
Голем број од светските метрополи веќе ги започнуваат подготвките за божиќните и новогодишните празници, а традиционално, и годинава беше поставена огромна елка во Галеријата Лафајет во Париз.
Од 1976-та година па наваму, секоја година во централната купола се поставува голема елка, а голем број од стаклата и излозите ќе бидат декорирани во согласност со темата.
Годинава, темата на декорацијата е „Божиќ од моите сништа“, а честа да создаде магичен божиќен универзум му припадна на францускиот моден дизајнер Шарл де Вилморин.
„Од елката, до прозорците и колекцијата на ексклузивните производи, дизајнерот дозволи неговата душа да му зборува за да може да создаде магичен универзум направен од приказни и чуда. Нека започне магијата“ – стои во најавата на официјалниот Инстаграм профил на Галерија Лафајет.
Годинешната елка е во форма на голема спирала, декорирана со кристали и необичен изглед на Дедо Мраз, што во голема мера се разликува од божиќните елки од изминатите години што беа изложени во познатата француска трговска куќа.
Францускиот фотограф Фредерик Мишо ги објави првите фотографии од декорациите, а коментарите за нив се различни.
Парижаните се радуваат со раскошот на декорацијата, но се двоумат за изгледот на Дедо Мраз:
„Елката е убава, но Дедо Мраз е малку страшен“;
„Декорациите се поубави од минатата година, но Дедо Мраз е малку страшен“;
„Не ми се допаѓа, повеќе сакам традиционални елки“ – стои во дел од коментарите.
Освен големата елка во средината на куполата, ќе бидат украсени и голем број излози, со различна тематика, којашто ќе биде во согласност со божиќните и новогодишните празници.
Галерија Лафајет ќе биде облечена во божиќно руво сѐ до 31-ви декември.
Погледнете повеќе фотографии во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
